مغربی ہوائیں جموں کشمیر میں اثر اندوز ، 11فروری سے بارشوں اور برفباری کی پیشنگوئی / محکمہ موسمیات

سرینگر/08فروری: چلہ خرد کے ایام میں دن میں اچھی خاصی دھوپ نکلنے اور رات مطلع صاف رہنے کے باعث شبا نہ درجہ حرارت میں نمایاں گراوٹ ریکارڈ ہونے سے پوری وادی شدید سردی کی لپیٹ میں ہیں۔ اسی دوران محکمہ موسمیات نے پیشنگوئی کی ہے کہ 11فروری سے وادی کشمیر میں برفباری اور بارشوں کے امکانات ظاہر کرتے ہوئے لوگوں کو تیار رہنے کا مشورہ دیا ہے۔سی این آئی کے مطابق شہر سرینگر وادی کے دو سرے اضلاع میں دن بھر اچھی خاصی دھوپ نکلنے کے بیچ وادی کشمیر میں جاری شدید سردی کی لہر کے بیچ خطہ لداخ میں گزشتہ رات رواں موسم کی اب تک کی سرد ترین رات ریکارڈ کی گئی۔ محکمہ موسمیات کے ترجمان کے مطابق سیاحتی مقام گلمرگ میں رات کے درجہ حرارت میں کافی بہتری ریکارڈ کی گئی۔محکمہ موسمیات کے ترجمان کے مطابق صحت افزاء مقام پہلگام میں بھی رات کے درجہ حرارت میں کافی بہتری ریکارڈ کی گئی۔سرینگر میں اگر چہ صبح لوگوں نے کھلی دھوپ کا نظارہ کیا تاہم یخ بستہ ہواؤں کے نتیجے میں یہاں کا موسم بھی سرد ہی محسوس کیا جارہا ہے۔محکمہ موسمیات کے مطابق دن میں کھلی دھوپ نکلنے اور رات کو مطلع صاف رہنے کے باعث شبانہ درجہ میں کمی ریکارڈ کی گئی اور شبانہ درجہ حرارت منفی 3.2ریکارڈ کیا گیا ۔ محکمہ موسمیات کے ترجمان نے 11فروری سے وادی کشمیر اور لداخ میں بارشوں اور برفباری کے امکانات ظاہر کرتے ہوئے بتایا کہ مغربی ہوائیں جموں کشمیر میں اثر اندوز ہو رہی ہے جس سے موسمی صورتحال میں تبدیلی دیکھنے کو ملی گی۔ادھر وادی کشمیر میں سردیوں کے ایام کے دوران بجلی کی عدم دستیابی کے نتیجے میں لوگ مشکلات سے دو چار ہے جبکہ سردی سے بچنے کیلئے اہلیان کشمیر نے گرم ملبوسات زیر تن کرنا شروع کر دیا ہے اور سردی سے بچنے کیلئے روایتی اور جدید گرمی کے آلات کا استعمال کرنا بھی شروع کر دیا ہے۔