امریکہ کورونا وائرس سے نمٹنے کیلئے کررہا ہے ٹیکا تیار

سرینگر/08فروری/: امریکہ کورونا وائرس سے نمٹنے کیلئے کررہا ہے ٹیکا تیارامریکہ جان لیوا کورونا وائرس سے نمٹنیکیلئے ٹیکا تیار کرنے کا کام تیزی سے کررہاہے۔کرنٹ نیوز آف انڈیا مانیٹرنگ کے مطابق امریکہ جان لیوا کورونا وائرس سے نمٹنے کیلئے ٹیکا تیار کرنے کا کام تیزی سے کررہاہے۔ امریکہ کے ایک میڈیکل افسر نے جمعہ کو یہ اطلاع دی ہے۔ امریکہ کے نیشنل انسٹی ٹیوٹ آف ایلرجی اینڈ انفیکشن ڈیسیز کے ڈائریکٹر انتھنی فوسی نے صحت اور انسانی خدمات کے امریکی محکمے میں پریس کانفرنس میں کہا کہ کورونا وائرس کے خلاف ٹیکا تیار کرنے کیلئے بایوٹیک کمپنی موڈیرنا کے ساتھ کام جاری ہے۔واضح رہے کہ چین میں کورونا وائرس سے مرنے والوں کی تعداد بڑھکر 722ہوگئی ہے اور 34،546افراد میں اس انفیکشن کے پائیجانے کی تصدیق ہوئی ہے۔دسمبر2019میں چین کے ووہان شہر میں کورونا وائرس کا پہلا معاملہ سامنے آیا تھا جس کے بعد سے اب تک یہ 25سے زیادہ ملکوں میں پھیل چکا ہے۔عالمی ادارہ صحت(ڈبلیو ایچ او)نے کورونا وائرس کے پیش نظر گزشتہ ہفتے عالمی صحت کیلئے ایمرجنسی کا اعلان کیاتھا۔