انتخا بات والے علاقوں میں ہڑتا ل کی اپیل

سرینگر26نومبر: مشترکہ مزاحمتی قائدین سید علی گیلانی ، میرواعظ ڈاکٹرمولوی عمر فاروق اور محمد یاسین ملک نے جموں وکشمیر کے حریت پسند عوام سے یہ اپیل پھر دہرائی ہے کہ وہ رواں پنچایتی انتخابات کے چوتھے مرحلے کے موقعہ پر ماضی کی طرح مورخہ27 نومبر 2018 بروز منگلوار کوبھی درج ذیل مقامات اور علاقہ جات میں مکمل بائیکاٹ اور احتجاجی ہڑتال کرکے اس نام نہاد مشق سے عملاً دور رہ کر اسے کلی طور پر مسترد کریں اور رواں خونین تحریک آزادی کے ساتھ اپنی مکمل وابستگی کا اظہار کریں۔علاقہ جات حسب ذیل ہیں۔ماور، قلم آباد، بانڈی پورہ، بجہامہ ، وائلو، سنگھ پورہ، بیروہ، وترہیل، پلوامہ، آری پل، شوپیاں، کنڈ، اچھہ بل، قاضی گنڈ، ویسو، شانگس، چھترگلقائدین نے عوام پر زور دیا کہ وہ حکمرانوں کی جانب سے ان پر مسلط کئے گئے نام نہاد انتخابی عمل کو گزشتہ مراحل کی طرح مکمل طور مسترد کریں اور اس دن مذکورہ علاقوں میں ہمہ گیر احتجاجی ہڑتال کرکے تحریک کے تئیں اپنی بھر پور وابستگی کا مظاہرہ کریں۔قائدین نے یہ بات پھر دہرائی کہ ریاستی عوام کی ایک ہی مانگ ہے