پنچائت انتخابات2018 : تیسرے مرحلے میں75.2 فیصد ووٹنگ درج

جموں خطہ میں83 فیصد جبکہ کشمیر خطہ میں55.7 فیصد ووٹروں نے اپنی حق رائے دہی کا استعمال کیا

جموں: ریاست میںپنچائتی انتخابات کے تیسرے مرحلے میں آج ریاست بھر میں75.2 فیصد ووٹنگ درج کی گئی۔
چیف الیکٹورل افسر جموں وکشمیر شالین کابرا کے مطابق جموں صوبے میں83 فیصد جبکہ کشمیر صوبے میں55.7 فیصد ووٹ ڈالے گئے۔ شالین کابرا نے ضلع وار تفصیلات دیتے ہوئے کہا کہ کپواڑہ میں59.7 ، بانڈی پورہ میں51 ، بارہ مولہ میں30.8 ، گاندر بل میں12 ،بڈگام میں41 ، کرگل میں75.6 ، لیہہ میں64.1 ، کشتواڑ میں85 ، ڈوڈہ میں77.4 ، رام بن میں85.7 ، اودہمپور میں83.8 ،کٹھوعہ میں83.2 ،راجوری میں80.3 اور پونچھ میں87.8 فیصد پولنگ ریکارڈ کی گئی۔
انہوں نے کہا کہ تیسرے مرحلے میں3.20 لاکھ رائے دہندگان نے اپنے آئینی حق کا استعمال کیا۔
واضح رہے کہ پہلے مرحلے میں 17 نومبر2018 کو74.1 فی صد پولنگ مجموعی طور پر ریکارڈ کی گئی جس میں64.5 کشمیر صوبے جبکہ79.5 فیصد ووٹنگ جموں صوبے میں ریکارڈ کی گئی۔
اسی طرح پنچائتی انتخابات کے دوسرے مرحلے میں ریاست میں71.1 فیصد ووٹ ڈالے گئے تھے جن میں سے80.4 پولنگ جموں صوبے اور52.2پولنگ کشمیر صوبے میں دیکھنے کو ملی۔
پنچائتی انتخابات کے چوتھے مرحلے کی ووٹنگ27 نومبر2018 کو ہوگی۔