سرینگر/12نومبر/سی این آئی/ فورسز کے ہاتھوں گرفتار کئے گئے دو ہم جماعتوں کی رہائی کے مطالبہ کو لیکر سنیٹرل یونیورستی آف کشمیر کے طلبہ نے سوموار کو ایک مرتبہ پھر کلاسوں کا بائیکاٹ کرکے سرینگر کی پریس کالونی میں احتجاجی مظاہرے کئے اور مطالبہ کیا کہ ان کے ساتھیوں کو جلد از جلد رہا کیاجائے ۔سی این آئی کے مطابق سنٹرل یونیورسٹی کشمیر کے نوگام کمپس میں زیر تعلیم دو پوسٹ گریجویٹ طالب علموں کو گذشتہ شب ایک چھاپے کے دوران فورسز نے پولٹیکل سائنس کے طالب علم سہیل احدم اور محمد اسماعیل ساکنان شوپیاں کو انکی عارضی رہائش گاہ نوگام سے گرفتار کرلیا ہے ۔ دونوں طلبہ کمپس کے نزدیک ہی کرائے کے کمرے میں رہائش پذیر تھے ۔ طالب علموں کی گرفتار کے خلاف یونیورسٹی طلبہ نے سنیچروار کو نوگام سرینگر میں احتجاجی مظاہرے کئے تھے جبکہ سوموار کو ایک مرتبہ پھر درجنوں میں یونیورسٹی طلاب نے پریس کالونی سرینگر میں نمودار ہو کر صدائے احتجاج بلند کیا اور مطالبہ کیا کہ ان کے ساتھیوں کو جلد از جلد رہا کیا جائے ۔پریس کالونی سرینگر میں طلبہ نے جمع ہوکر زبردست احتجاجی مظاہرے کرتے ہوئے ان کی رہائی کا مطالبہ کیا ۔احتجاجی طلبہ نے کہا کہ دوساتھیوں کی رہائی کے مطالبہ کو لیکر انہوں نے کئی اعلیٰ افسران سے بھی رابطہ کیا تاہم ا بھی تک کوئی کارروائی عمل میں نہیں لائی گئی ۔ انہوں نے انتظامیہ کو متنبہ کرتے ہوئے کہا کہ دونوں ساتھیوں کو جلد از جلد رہا نہ کیا گیا تو وہ احتجاجی مظاہروں میں شدت لانے پر مجبور ہو جا ئیں گے ۔
Comments are closed.