آرٹیکل 35اے ریاست میں قائم رہنا چاہئے:منی شنکر آئر

سری نگر ، 25اگست (یو ا ین آئی) کانگریس پارٹی کے سینئر لیڈر منی شنکر ایئر نے کہا کہ جموں وکشمیر کو خصوصی پوزیشن عطا کرنے والی آئین ہند کی دفعہ 35 اے کو ہٹانے کی کوئی کوشش نہیں کی جانی چاہیے۔ انہوں نے کہا کہ دفعہ 35 اے( سٹیٹ سبجیکٹ قانون) 90 سالہ پرانا قانون ہے اور اس کو قائم رکھا جانا چاہیے۔ منی شنکر ایئر جن کی پارٹی رکنیت کانگریس صدر راہل گاندھی نے گذشتہ روز آٹھ ماہ بعد بحال کی ، نے ہفتہ کے روز یہاں ایک سمینار کے حاشئے پر نامہ نگاروں کو بتایا ’دفعہ 35 اے کے معاملے کو نہیں چھونا چاہیے۔ دفعہ 35 اے ہمارے آئین کا حصہ ہے۔ اس کو ہٹانے کی کسی کو بھی کوشش نہیں کرنی چاہیے۔ خوامخواہ اس معاملے کو بھڑکایا جارہا ہے۔ اس معاملے کو بھڑکانا کسی کے مفاد میں نہیں ہے‘۔ انہوں نے کہا ’بات تو سپریم کورٹ تک پہنچی ہے جس کو ہم نہیں روک سکتے۔ لیکن میں امید رکھتا ہوں کہ سپریم کورٹ ملک کے مفاد میں اپنا فیصلہ کرے گا۔ میں یہ بہت بڑی خواہش رکھتا ہوں کہ دفعہ 35 اے کو آئین ہند میں قائم رکھنا چاہیے۔ یہاں کے لوگوں کو کسی قسم کا خطرہ لاحق نہیں ہونا چاہیے۔ دفعہ 35 اے گذشتہ 90 برسوں سے ان کا حق رہا ہے‘۔ بتادیں کہ دفعہ 35 اے کے خلاف دائر متعدد عرضیاں اس وقت سپریم کورٹ میں زیر سماعت ہیں۔ دفعہ 35 اے غیر ریاستی شہریوں کو جموں وکشمیر میں مستقل سکونت اختیار کرنے ، غیر منقولہ جائیداد خریدنے ، سرکاری نوکریاں حاصل کرنے ، ووٹ ڈالنے کے حق اور دیگر سرکاری مراعات سے دور رکھتی ہے۔ بتایا جارہا ہے کہ 1953 میں جموں وکشمیر کے اُس وقت کے وزیراعظم شیخ محمد عبداللہ کی غیرآئینی معزولی کے بعد وزیراعظم جواہر لعل نہرو کی سفارش پر صدارتی حکم نامے کے ذریعہ آئین میں دفعہ 35 اے کو بھی شامل کیا گیا، جس کی ر ±و سے بھارتی وفاق میں کشمیر کو ایک علیحدہ حیثیت حاصل ہے۔ 10 اکتوبر 2015 کو جموں وکشمیر ہائی کورٹ نے اپنے ایک تاریخی فیصلے میںدفعہ 370 کو ناقابل تنسیخ و ترمیم قرار دیتے ہوئے کہا تھا کہ ’ دفعہ (35 اے ) جموں وکشمیر کے موجودہ قوانین کو تحفظ فراہم کرتی ہے‘ ۔
شوپیان پولیس تھانہ سے AK-47رائفل غائب
شوپیان:۵۲،اگست:پہاڑی ضلع شوپیان میں سنیچرکی صبح اُسوقت پولیس وفورسزاہلکاروں کوچوکناکردیاگیاجبکہ پولیس تھانہ شوپیان میں ایک اے کے پینتالیس رائفل اورایک ایس پی اﺅکوغائب پایاگیا۔کے این این کوپولیس ذرائع نے بتایاکہ سنیچرکی صبح پولیس تھانہ شوپیان میں تعینات ایک ایس پی اﺅنے اپنی سروس رائفل کوغائب پایا،اوراُس نے اس معاملے کی جانکاری تھانے کے افسرو ں کودی ۔بتایاجاتاہے کہ اس کے فوراًبعدجب اے کے47رائفل کے گم یاغائب ہوجانے کی تحقیقات یاانکوائری شروع کی گئی تویہ معلوم ہواکہ اسی تھانے میں تعینات ایک اورمقامی ایس پی اﺅسنیچرکی صبح سے لاپتہ ہے۔پولیس ذرائع نے بتایاکہ ابتدائی تحقیقات کے دوران یہ بات سامنے آئی کہ لاپتہ ہوئے ایس پی اﺅشوکت احمدساکنہ ہرمین شوپیان نے ہی ساتھی ایس پی اﺅکی سروس رائفل اُڑالی ہے۔انہوں نے کہاکہ فوری طورپرلاپتہ ایس پی اﺅکے بارے میں جنوبی کشمیرکے سبھی پولیس تھانوں کوجانکاری فراہم کی گئی ،اوررائفل لیکرفرارہوئے ایس پی اﺅکی تلاش بڑے پیمانے پرشروع کی گئی جبکہ اُس ایس پی اﺅسے بھی پوچھ تاچھ کی جارہی ہے جسکی رائفل کواُسکے ساتھی ایس پی اﺅنے اُڑالیاہے۔پولیس ذرائع نے بتایاکہ اس معاملے کے حوالے سے تھانے میں کیس درج کرکے تحقیقات شروع کردی گئی ہے