عمر عبداللہ مرکزی وزیر ریلوے سے ملاقی جموں و کشمیر میں ریل رابطے بڑھانے پر بات چیت

جموں وکشمیر کے وزیر اعلیٰ عمر عبداللہ نے آج نئی دہلی میں ریلوے کے مرکزی وزیر شری اشونی ویشنو سے ملاقات کی اور جموں و کشمیر میں ریل خدمات کو بڑھانے سے متعلق مختلف امور پر تبادلہ خیال کیا۔

میٹنگ کے دوران، وزیر اعلیٰ نے جموں سری نگر وندے بھارت ایکسپریس کی سروس کے معیار، مسافروں کے آرام اور وقت کی پابندی کی تعریف کی، جو وادی کشمیر اور ملک کے باقی حصوں کے درمیان رابطے کو بہتر بنانے میں ایک اہم سنگ میل کے طور پر ابھری ہے۔