سالانہ امرناتھ یاترا بالتال راستے سے دوبارہ شروع کر دی گئی۔ حکام کے مطابق خراب موسمی حالات اور ٹریک کی ضروری مرمت کے باعث یاترا کو ایک روز کے لیے معطل کیا گیا تھا۔
حکام نے بتایا کہ بالتال راستے سے یاترا بحال کر دی گئی ہے اور سنیچروار کی صبح سے ہی یاتریوں کو مقدس گھپا کی جانب جانے کی اجازت دے دی گئی۔ موسم میں بہتری اور ٹریک پر ضروری مرمتی کام مکمل ہونے کے بعد یاترا دوبارہ شروع کی گئی۔
حکام کے مطابق جمعہ کے روز مسلسل بارش کے باعث موسم خراب ہونے اور ٹریک کو معمولی نقصان پہنچنے کی وجہ سے بالتال راستے سے یاترا معطل کر دی گئی تھی۔
دریں اثنا، پہلگام راستے سے امرناتھ یاترا تاحال معطل ہے جہاں ضروری مرمتی کام جاری ہے۔
