لیفٹنٹ گورنر منوج سنہا نے سالانہ امرناتھ یاترا کی تیاریوں کا جائزہ لیا، جو 3 جولائی کو شروع ہونے والی ہے۔
انہوں نے ایکس پر ایک پوسٹ میں لکھا ” آج امرناتھ جی یاترا 2026 کی تیاریوں کے سلسلے میں ایک اعلیٰ سطحی جائزہ میٹنگ کی صدارت کی اور تمام محکموں اور سیکورٹی ایجنسیوں کو ہدایت دی کہ وہ بنیادی ڈھانچے اور سیکورٹی سے لے کر صحت کی دیکھ بھال، صفائی ستھرائی، کنیکٹیویٹی، اور یاتری خدمات تک کے انتظامات کی بروقت تکمیل کو یقینی بنائیں۔ “
عہدیداروں نے بتایا کہ سالانہ یاترا کے ہموار انعقاد کو یقینی بنانے کے لیے جموں، اننت ناگ اور گاندربل اضلاع میں ضلع اور بیس کیمپ کی سطح پر پہلے ہی کئی تیاریی میٹنگیں منعقد کی گئی ہیں۔
سنہا نے کہا کہ یاترا 3 جولائی کو شروع ہوگی اور 28 اگست کو اختتام پذیر ہوگی۔
انہوں نے مزید کہا”ہمارا اجتماعی مقصد بابا برفانی کے ہر عقیدت مند کے لیے ایک محفوظ، ہموار، اور روحانی طور پر مکمل یاترا کو یقینی بنانا ہے“۔
Comments are closed.