سرینگر پولیس نے منشیات فروش کے 1.2 کروڑ روپے کے رہائشی مکان اور زمین کو ضبط کیا

نشہ مکت جموں و کشمیر ابھیان کے تحت منشیات کی اسمگلنگ کے خلاف اپنے مسلسل کریک ڈا¶ن کو جاری رکھتے ہوئے، سری نگر پولیس نے گسو حضرت بل میں واقع تقریباً 1.2 کروڑ روپے کی زمین کے ساتھ ایک دو منزلہ رہائشی مکان پر مشتمل ایک غیر منقولہ جائیداد ضبط کر لی ہے۔

یہ جائیداد مقصود حسین خان ولد عبدالمجید خان ساکنہ بندے لین حضرت بل حال گسو حضرت بل کی ہے۔ جو ایف آئی آر نمبر 42/2023
این ڈی پی ایس ایکٹ پولیس اسٹیشن نگین اور ایف آئی آر نمبر 20/2025کو متعلقہ دفعات کے تحت پولیس اسٹیشن گاندربل نے یہ منسلک کیا ہے۔ تفتیش کے دوران، مذکورہ جائیداد کی نشاندہی غیر قانونی طور پر حاصل کی گئی جائیداد کے طور پر کی گئی جو منشیات کی غیر قانونی اسمگلنگ سے منسلک تھی۔ اٹیچمنٹ آرڈر کے ذریعے، مالک کو مذکورہ پراپرٹی میں فروخت، لیز، منتقلی، تبدیلی، یا کسی تیسرے فریق کی دلچسپی پیدا کرنے سے روک دیا گیا ہے۔
پولیس معاشرے سے منشیات کی لعنت کے خاتمے کے لیے پرعزم ہے اور منشیات کی سمگلنگ میں ملوث افراد کے خلاف سخت کارروائی کرنے کے عزم کا اعادہ کرتی ہے۔ شہریوں سے اپیل کی جاتی ہے کہ وہ پولیس کے ساتھ تعاون کریں اور معاشرے کو منشیات سے پاک بنانے کے لیے منشیات فروشی سے متعلق معلومات شیئر کریں۔