حج 2026کیلئے امسال جموں کشمیر سے 4700عازمین فریضہ انجام دینے کیلئے تیار ہے ۔ حکام کے مطاق جموں و کشمیر سے کل 4704عازمین اس سال حج کیلئے روانہ ہوں گے، جن میں سے زیادہ تر کا سرینگر ایمارکیشن کے ذریعے سفر کرنا ہے۔
ایگزیکٹو آفیسر حج کمیٹی ڈاکٹر شجاعت احمد نے بتایا کہ 3990عازمین جن میں 323 لداخ کے ہیں سرینگر سے روانہ ہوں گے، جبکہ تقریباً ایک ہزار دہلی ایمبرکیشن کا استعمال کریں گے اور 50 ممبئی کے راستے سفر کریں گے۔
انہوں نے کہا کہ سرینگر سے حج پروازیں 18 مئی کو شروع ہونے والی ہیں اور تقریباً 10سے 15دن تک جاری رہیں گی، جس کی حتمی روانگی 28 مئی کے قریب متوقع ہے، حالانکہ شیڈول میں معمولی تبدیلیوں کا امکان ہے۔احمد نے کہا کہ سعودی عرب کی جانب سے اس سال متعارف کرائے گئے نئے ضوابط میں سخت صحت کی اسکریننگ شامل ہے، جس کے تحت سنگین طبی حالات کے حامل کچھ درخواست دہندگان کو نااہل قرار دیا گیا ہے۔
انہوں نے کہا کہ عزیزیہ جیسی جگہوں پر عازمین کے لیے خود کھانا پکانے کی سہولیات بند کر دی گئی ہیں۔نہوں نے مزید کہا کہ عازمین کو نگرانی کے مقاصد کیلئے سم پر مبنی ڈیٹا سے لیس سمارٹ واچز فراہم کی جائیں گی جو پہلے والے کلائی بندوں کی جگہ لے رہے ہیں۔
Comments are closed.