پہلگام ہوٹل میں 19 برطانوی شہریوں سمیت 23 غیر ملکیوں کے قیام کو چھپانے کیلئے مقدمہ درج

جموں و کشمیر پولیس نے پیر کو پہلگام کے ایک ہوٹل کے خلاف امیگریشن اینڈ فارنرز ایکٹ کی خلاف ورزی کے الزام میں 19 برطانوی شہریوں سمیت 23 غیر ملکی شہریوں کے قیام کی اطلاع دینے میں ناکامی کے الزام میں ایف آئی آر درج کی ہے۔

ہوٹلوں کو لازمی آن لائن فارم C جمع کرانے کی ضرورت ہے، جو غیر ملکیوں کو رجسٹر کرتا ہے۔

پولیس نے کہا کہ اننت ناگ ضلع کے پہلگام کے دیہواٹو علاقے میں معمول کی چیکنگ کے دوران پتہ چلا کہ 23غیر ملکی شہریوں بشمول 19 برطانوی شہریوں نے 22 مارچ کی شام کو ہوٹل مسٹی ماو¿نٹینز لڈی میں چیک کیا۔

پولیس نے ایک بیان میں کہا”ہوٹل انتظامیہ نے جان بوجھ کر پولیس اسٹیشن پہلگام سے اپنے قیام کو چھپایا اور لازمی فارم ‘C’ جمع کرانے میں ناکام رہا، اس طرح غیر ملکیوں اور امیگریشن ایکٹ، 2025 کی دفعات کی خلاف ورزی کی اور مقررہ سیکورٹی پروٹوکول سے سمجھوتہ کیا۔ “
اس کے مطابق، قانون کی متعلقہ دفعات کے تحت پولیس اسٹیشن پہلگام میں ایف آئی آر درج کی گئی، اور تحقیقات شروع کی گئی۔

اننت ناگ میں پولیس نے تمام ہوٹل آپریٹرز پر زور دیا کہ وہ غیر ملکی مہمانوں کی اطلاع دینے سے متعلق قانونی تقاضوں کی سختی سے تعمیل کریں۔