وزیراعظم مودی نے نیتن یاہو سے بات کی، تازہ ترین پیش رفت پر تشویش کا اظہار کیا

نئی دہلی، 2 مارچ

وزیر اعظم نریندر مودی نے اسرائیلی وزیر اعظم بینجمن نیتن یاہو کے ساتھ ٹیلیفونک بات چیت کے دوران مغربی ایشیا میں تازہ ترین پیش رفت پر تشویش کا اظہار کیا اور جنگ کے جلد خاتمے کی ضرورت پر زور دیا۔

اتوار کی رات اسرائیلی وزیر اعظم کے ساتھ بات چیت کے دوران مسٹر مودی نے کہا کہ شہریوں کی حفاظت کو ترجیح دی جانی چاہئے۔
ایران پر امریکہ اور اسرائیل کے مشترکہ حملے کے بعد مسٹر مودی نے پہلی مرتبہ مسٹر نیتن یاہو سے بات کی ہے۔

ایک سوشل میڈیا پوسٹ میں مسٹر مودی نے کہا، "علاقے کی موجودہ صورتحال پر بات کرنے کے لیے وزیر اعظم بنجمن نیتن یاہو سے فون پر بات ہوئی۔ حالیہ پیش رفت پر ہندوستان کی تشویش سے آگاہ کیا اور شہریوں کی حفاظت کو ترجیح دی۔ ہندوستان نے لڑائی کے جلد خاتمے کی ضرورت کو دہرایا۔”

قابل ذکر ہے کہ امریکہ، اسرائیل اور ایران کے درمیان اس ٹکراؤ کی وجہ سے مغربی ایشیا کی صورتحال بدستور تشویشناک ہے۔
مسٹر مودی نے اتوار کی رات مرکزی کابینہ کی اقتصادی امور کمیٹی کی میٹنگ میں بھی مغربی ایشیا کی صورتحال کا جائزہ لیا۔