موسم سرما اور موسمی پیشگوئی کے پیش نظر تیاریاں مکمل ، انتظامیہ الرٹ پر / صوبائی کمشنر کشمیر

سرینگر /20دسمبر / ٹی آئی نیوز

موسم سرما اور موسمی پیشگوئی کے پیش نظر انتظامیہ ہائی الرٹ پر ہے اور تمام تیاریوں کا حمتی شکل دی گئی ہے کی بات کرتے ہوئے صوبائی کمشنر کشمیر انشول گرگ نے کہا کہ تمام اضلاع میں کنٹرول روم قائم کیے گئے ہیں اور بلاتعطل بجلی کی فراہمی، برف صاف کرنے اور ضروری خدمات کو یقینی بنانے کے لیے نوڈل افسران تعینات کیے گئے ہیں۔

تفصیلات کے مطابق صوبائی کمشنر کشمیر انشول گرگ نے کہا کہ کشمیری کاریگر خطے کی صدیوں پرانی دستکاری کی روایات کو جدید جمالیات کے ساتھ تخلیقی طور پر ہم آہنگ کرنے کے لیے بے حد تعریف کے مستحق ہیں۔

کشمیر ہاٹ سری نگر میں منعقدہ جشن چلہ کلان کی تقریبات کے موقع پر صحافیوں سے بات کرتے ہوئے صوبائی کمشنر کشمیر انشول گرگ نے کہا ”اس تقریب نے کشمیری دستکاروں کے دن کی 40 ویں سالگرہ بھی منائی، جو روایتی طور پر ایک سنگ میل کو اجاگر کرتا ہے“۔

انہوں نے کہا”کشمیر کے روایتی لباس اور ہماری دستکاری ہماری گرمجوشی اور جمالیات کی عکاسی کرتی ہے۔ تمام کاریگر جو آج ہمارے ساتھ ہیں، بدلتے وقت کے مطابق اس وراثت کو زندہ رکھنے کے لیے بہت زیادہ کریڈٹ کے مستحق ہیں“۔

صوبائی کمشنر نے آنے والے تہوار کے موسم کیلئے مبارکباد بھی پیش کی اور انتظامیہ کی موسم سرما کی تیاریوں کے بارے میں آگاہ کیا، یہ نوٹ کرتے ہوئے کہ ’انٹیگریٹڈ کمانڈ اینڈ کنٹرول سینٹر‘ اور ضلعی سطح کے کنٹرول روم چوبیس گھنٹے کام کر رہے ہیں۔ انہوں نے کہا”تمام ضلع ترقیاتی کمشنران نے اپنے اضلاع میں کنٹرول روم قائم کیے ہیں اور بلاتعطل بجلی کی فراہمی، برف صاف کرنے اور ضروری خدمات کو یقینی بنانے کے لیے نوڈل افسران تعینات کیے گئے ہیں۔