آٹھویں جماعت تک کے طلباءکیلئے مفت نصابی کتابوں کی تقسیم نومبر کے آخر تک مکمل ہوگی /سیکرٹری بورڈ

سرینگر /24اکتوبر /

نصاب میں 15فیصدی خصوصی رعایت کے ساتھ دسویں جماعت کے 3نومبر جبکہ 12جماعت کے 8اور 19نومبر سے گیارہویں جماعت کے سالانہ امتحانات شروع ہونے کا اعلان کرتے ہوئے جموں کشمیر بورڈ آف اسکول ایجوکیشن نے کہا کہ وادی کشمیر اور جموں کے سرمائی علاقوں میں آٹھویں جماعت تک کے طلباءکیلئے نومبر کے آخر تک مفت نصابی کتابیں اور جموں کے سمر زون میں دسمبر کے پہلے ہفتے تک تقسیم کاری کا عمل مکمل ہوگا ۔

بورڈ آفس سرینگر میں ایک مختصر پریس کانفرنس سے خطاب کرتے ہوئے سیکرٹری جموں و کشمیر بورڈ آف سکول ایجوکیشن نے جمعہ کو کہا کہ 10ویں جماعت کے امتحانات بالترتیب 3 نومبر کو شروع ہوں گے، اس کے بعد 8 نومبر کو 12ویں جماعت اور 11ویں جماعت کے امتحانات 19 نومبر کو ہوں گے۔
۔نصابی کتابوں کی تقسیم کے معاملے پر سیکرٹری نے کہا کہ نومبر کے آخر تک وادی کشمیر اور جموں صوبے کے سرمائی زون کے علاقوں میں آٹھویں جماعت تک کے تمام طلباءکو مفت نصابی کتابیں مل جائیں گی۔ جموں کے سمر زونوں کیلئے یہ عمل دسمبر کے پہلے ہفتے تک مکمل کر لیا جائے گا۔دور دراز کے علاقوں میں سرد حالات کے درمیان امتحانات کے انعقاد کے بارے میں خدشات کو دور کرتے ہوئے، سیکرٹری نے کہا کہ مناسب انتظامات کیے گئے ہیں۔