جموں ریلوے اسٹیشن پر بم موجود ہونے کی جھوٹی اطلاع سے سنسنی پھیل گئی

جموں، 2 جون

جموں توی ریلوے اسٹیشن پر اتوار کی شام بم کی موجودگی کی جھوٹی اطلاع سے سنسنی پھیل گئی۔

حکام نے بتایا کہ اتوار کی شام جموں توی ریلوے اسٹیشن پر بم کی موجودگی کے بارے میں ایک نامعلوم کال کرنے والے کی طرف سے ایک جعلی کال موصول ہوئی۔

ایک پولیس عہدیدار نے بتایا کہ یکم جون 2025 کو جموں ریلوے اسٹیشن پر بم کی موجودگی کی دھمکی موصول ہوئی تھی۔انہوں نے کہا: ‘ جموں پولیس اور ریلوے پولیس نے فوری کارروائی کرکے مکمل تلاشی لی تاہم اس دوران کوئی مشکوک شئی نہیں پائی گئی’۔ان کا کہنا تھا: ‘کال کرنے والے کی شناخت کے لیے کوششیں جاری ہیں’۔