جموں کشمیر پردیش کانگریس کمیٹی کے صدرطارق حمید قرہ نے جموں اور کشمیر کو ریاست کا درجہ بحال کرنے کے پارٹی کے مطالبے کو دہراتے ہوئے کہا کہ یہ خطے اور قوم دونوں کیلئے بہت اہم ہے۔
قرہ نے روشنی ڈالی کہ کانگریس پارٹی نے نہ صرف جموں بلکہ راجوری جیسے دیگر حصوں میں بھی اس مسئلے کو مسلسل اٹھایا ہے۔ انہوں نے نوٹ کیا کہ اگست 2019 میں دفعہ370 کی تنسیخ کے بعد سے ریاست کا مطالبہ پارٹی کی ترجیح رہا ہے۔قرہ نے کہا”ریاست کی بحالی نہ صرف جموں و کشمیر کے لوگوں کے لیے اہم ہے بلکہ قومی مفاد میں بھی ہے“۔
انہوں نے مطالبہ کو حل کرنے میں مرکزی حکومت کی ہچکچاہٹ پر تشویش کا اظہار کرتے ہوئے سوال کیا کہ بھارتیہ جنتا پارٹی (بی جے پی) اور حکومت اس عمل کو آگے کیوں نہیں بڑھا رہی ہیں۔انہوں نے مزید کہا کہ ہم نے بارہا وزیر اعظم اور وزیر داخلہ کو اس اہم مسئلے کے بارے میں یاد دہانی کرائی ہے لیکن اس کے باوجود کوئی واضح کارروائی نہیں ہوئی۔
قرہ نے مزید کہا کہ کانگریس پارٹی ریاستی حیثیت کی بحالی کیلئے زور لگاتی رہے گی اور اسے جموں و کشمیر کے لوگوں کی فلاح و بہبود اور ترقی کو یقینی بنانے کے لیے ایک ضروری قدم قرار دیا ہے۔انہوں نے کہا ” ہم اس مطالبے سے پیچھے نہیں ہٹیں گے۔ کانگریس خطے کے مکمل سیاسی اور آئینی حقوق کی بھرپور وکالت کرتی رہی ہے“۔
Comments are closed.