پنجاب میں دو پاکستانی ڈرون، آدھا کلو ہیروئن برآمد

جالندھر، 18 نومبر

بارڈر سیکورٹی فورس (بی ایس ایف) نے منشیات کے اسمگلروں کی کوشش کو ناکام بناتے ہوئے پنجاب کے ترن تارن اور امرتسر اضلاع سے دو ڈرون اور 550 گرام ہیروئن برآمد کی ہے۔بی ایس ایف کے ترجمان نے بتایا کہ بی ایس ایف اور پنجاب پولیس نے مشترکہ کارروائی میں ریاست کے ضلع ترن تارن کے گاوں کالاش حویلیاں سے ایک پاکستانی ڈرون برآمد کیا ہے۔

انہوں نے بتایا کہ علاقے میں ڈرون کی موجودگی کی مخصوص اطلاع پر بی ایس ایف اور پنجاب پولیس نے کالاش حویلیاں گاوں کے مضافات میں مشترکہ تلاشی مہم شروع کی تھی۔ انہوں نے بتایا کہ سرچ آپریشن کے دوران رات 12 بج کر 15 منٹ پر گاوں کالاش حویلیاں سے ملحقہ کھیت سے ایک ڈرون برآمد ہوا۔ برآمد کیا گیا ڈرون ایک کواڈ کاپٹر ہے (ماڈل – DJI Matrice RTK 300, Made in China)۔ا

نہوں نے کہا کہ ایک اور معاملے میں، دوپہر تقریباً 2.30 بجے، بی ایس ایف کے جوانوں نے سرحدی باڑ کے آگے علاقے کے تسلط کے دوران گشت کرتے ہوئے، امرتسر ضلع میں رتن خورد گاو¿ں کے قریب ایک کھیت میں ایک مشکوک چیز دیکھی۔ علاقے کی تفصیلی تلاشی کے دوران بی ایس ایف کے دستوں نے کھیت سے پیلے چپکنے والی ٹیپ میں لپٹی ہوئی 550 گرام ہیروئن کا ایک پیکٹ اور ٹوٹی ہوئی حالت میں ایک ڈرون برآمد کیا۔ برآمد کیا گیا ڈرون ایک کواڈ کاپٹر ہے (ماڈل – DJI Mavic 3 کلاسک، چین میں بنایا گیا)۔یو این آئی