کٹھوعہ میں حادثاتی گولی چلنے سے 40 سالہ شہری زخمی

جموں،8نومبر

کٹھوعہ ضلع کے سیتا بانی گاوں میں سروس رائفل سے حادثاتی طور گولی چلنے کے نتیجے میں ایک شخص شدید طورپر زخمی ہوا ہے اور اس کو نازک حالت میں جی ایم سی جموں منتقل کیا گیا۔

اطلاعات کے مطابق کٹھوعہ کے سیتا بانی گاوں میں درمیانی شب اس وقت سنسنی کا ماحول پھیل گیا جب علاقے میں گولی چلنے کی آواز سنائی دی۔معلوم ہوا ہے کہ آس پاس رہائش پذیر لوگ جائے موقع پر پہنچے اور انہوں نے 40سالہ شہری جس کی شناخت گوری شنکر کے بطور ہوئی ہے کو خون میں لت پت پایا چنانچہ اسے فوری طورپر نزدیکی ہسپتال لے جایا گیا جہاں سے ابتدائی مرہم پٹی کے بعد اسے گورنمنٹ میڈیکل کالج جموں منتقل کیا گیا۔

ذرائع نے بتایا کہ گوری شنکر کے سینے میں گولی پیوست ہوئی ہے اور اس کی حالت تشویشناک بنی ہوئی ہے۔دریں اثنا پولیس نے معاملے کی نسبت کیس درج کرکے مزید تحقیقات شروع کی۔یو این آئی