نئی دہلی، 6 ستمبر
مختلف شعبوں میں ممتاز اور غیر معمولی تعاون کے لئے دیئے جانے والے ملک کے سب سے بڑے شہری اعزاز پدم ایوارڈز کے لئے آن لائن نامزدگی اور سفارشات اس مہینے کی 15 تاریخ تک کی جا سکتی ہیں۔پدم ایوارڈز کا ا?غاز 1954 میں کیا گیا تھا اور ان کے تحت ہر سال یوم جمہوریہ کے موقع پر پدم وبھوشن، پدم بھوشن اور پدم شری ایوارڈز کا اعلان کیا جاتا ہے۔
یہ ایوارڈ تمام شعبوں جیسے فنون لطیفہ، ادب اور تعلیم، کھیل، طب، سماجی کام، سائنس اور انجینئرنگ، عوامی امور، سول سروس، تجارت اور صنعت وغیرہ میں ممتاز اور غیر معمولی کامیابیوں اور خدمات کے لیے دیے جاتے ہیں۔ ہندوستان کے تمام شہری ذات، پیشہ، مقام یا جنس کے امتیاز کے بغیر ان ایوارڈز کے اہل ہیں۔ ڈاکٹروں اور سائنسدانوں کو چھوڑ کر پبلک سیکٹر کے اداروں میں کام کرنے والے سرکاری ملازمین پدم ایوارڈز کے اہل نہیں ہیں۔حکومت پدم ایوارڈز کو ‘پیپلز ایوارڈز میں تبدیل کرنے کے لیے پرعزم ہے، اس لیے تمام شہریوں سے درخواست کی جاتی ہے کہ وہ نامزدگیوں اور سفارشات خود نامزدگی کریں۔
اس سلسلے میں، ایس سی اور ایس ٹی، معذور افراد، خواتین اور سماج کے دیگر کمزور طبقات کے باصلاحیت افراد کے تعاون و خدمات اور کامیابیوں کو تسلیم کرنے کے لیے ٹھوس کوششیں کی جا سکتی ہیں جو معاشرے کی بے لوث خدمت کر رہے ہیں۔ایوارڈز کے لیے نامزدگی وزارت داخلہ کی ویب سائٹ پر کی جا سکتی ہے۔یو این آئی
Comments are closed.