ایمپلائز جوائنٹ ایکشن کمیٹی کا سرینگر میں احتجاج

سری نگر، ایمپلائز جوائنٹ ایکشن کمیٹی (ای جے اے سی سی) نے پیر کے روز یہاں پریس کالونی میں اپنے مطالبات کے حق میں احتجاج درج کیا۔

احتجاجیوں نے ہاتھوں میں پلے کارڈس اٹھا رکھے تھے اور وہ جی پی فنڈ کی وقت پر واگذاری کو لے کر نعرہ بازی کر رہے تھے۔

اس موقع پر ایک خاتون احتجاجی نے میڈیا کے ساتھ بات کرتے ہوئے کہا کہ آج ہم اس لئے سڑکوں پر آئے کیونکہ ہمیں جی پی فنڈ وقت پر واگذار نہیں کیا جاتا ہے۔

انہوں نے کہا: ‘ہمارے بچوں کی شادی خانہ آبادی، پڑھائی لکھائی اسی پر ہے جس کو دینے میں دیر کی جاتی ہے’۔

ان کا کہنا تھا کہ یہ ہمارا اپنا پیسہ ہے جس کو ہمیں نہیں دیا جا رہا ہے۔

موصوفہ نے کہا کہ جو ریٹائر ملازمین ہیں ان کو بھی وقت پر یہ فنڈ نہیں ملتا ہے۔

احتجاجیوں نے لیفٹیننٹ گورنر منوج سنہا سے اپیل کی کہ وہ اس مسئلہ کرنے کے لئے مداخلت کریں۔

یو این آئ