ملک کی مشترکہ کوششوں کی وجہ سے دفاعی شعبہ آنے والے وقتوں میں ایک عالمی رہنما ہوگا

سرینگر /19اکتوبر
ملک کی مشترکہ کوششوں کی وجہ سے ہندوستانی دفاعی شعبہ آنے والے وقتوں میں ایک عالمی رہنما ہوگا کی بات کرتے ہوئے وزیر دفاع راجناتھ سنگھ نے کہا کہ ہمارے ملک میں گجرات سے آسام تک ٹیلنٹ کی کوئی کمی نہیں ہے، اور کشمیر سے کنیا کماری تک ان کی شناخت کرنے، ان کی اصلاح کرنے اور انہیں قوم کی ترقی سے جوڑنے کی ضرورت ہے۔
مانیٹرنگ ڈیسک کے مطابق گاندھی نگر میں منتھن تقریب سے خطاب کرتے ہوئے وزیر دفاع راجناتھ سنگھ نے کہا”ملک کی مشترکہ کوششوں کی وجہ سے، ہندوستانی دفاعی شعبہ آنے والے وقتوں میں ایک عالمی رہنما ہوگا“۔ ہمارے ملک میں گجرات سے آسام تک ٹیلنٹ کی کوئی کمی نہیں ہے، اور کشمیر سے کنیا کماری تک ان کی شناخت کرنے، ان کی اصلاح کرنے اور انہیں قوم کی ترقی سے جوڑنے کی ضرورت ہے۔ حکومت کی طرف سے انوویشنز فار ڈیفنس ایکسی لینس کے اقدام کی تعریف کرتے ہوئے وزیر دفاع نے کہا کہ اسے اس کی بہترین کارکردگی کی وجہ سے گزشتہ سال وزیراعظم کے ایوارڈ سے نوازا گیا تھا۔
آئی ڈی ای ایکس ہندوستان کو خود انحصار اور خود کفیل بنانے کی سمت میں ایک اہم اقدام ہے۔ اسے ڈیف ایکسپو 2018 کے دوران پی ایم نے لانچ کیا تھا۔ اس کی بہترین کارکردگی کی وجہ سے اسے پچھلے سال وزیر اعظم کا ایوارڈ دیا گیا تھا۔ایلسی لنس نے ملک میں کاروباری صلاحیتوں کو اجاگر کیا ہے، جو کہ مختلف پالیسیوں کی رکاوٹوں کی وجہ سے اب تک نظر نہیں آرہا تھا۔ اس نے سٹارٹ اپس کے خواہشمندوں اور اختراع کاروں کو آگے آنے اور دفاعی شعبے میں دیگر اسٹیک ہولڈرز کے ساتھ مل کر کام کرنے کے لیے ایک پلیٹ فارم مہیا کیا ہے۔