برفباری کے بعد موسم بہتر تو ہوا لیکن وادی میں ٹھٹھراتی سردیوں کا سلسلہ جاری

شبانہ درجہ حرارت میں ایک مرتبہ پھر کمی ،سرینگر میں شبانہ درجہ حرارت منفی 5.2ڈگری ریکارڈ

سرینگر/25جنوری: برفباری کے بعد موسم خشک ہونے اور دن میں ہلکی دھوپ نکلنے کے بعد وادی میں ٹھٹھراتی سردیوں کا سلسلہ جاری ہے جس نے اہلیان وادی کو گونا گوں مشکلات سے دوچار کردیا ہے۔شبانہ درجہ حرارت میں ایک مرتبہ پھر کمی آئی اورسرینگر میں شبانہ درجہ حرارت منفی 5.2ڈگری ریکارڈ کیا گیا ۔ ادھر محکمہ موسمیات نے موسمی صورتحال رواں ماہ کی آخر تک تبدیلی نہ آنے کی پیشگوئی کی ہے۔ سی این آئی کے مطابق چلہ کلان کے سخت تیور کے بیچ جموں کشمیر اور لداخ میںشدید سردی کی لہر جاری ہے ۔ پوری وادی کو اپنی لپیٹ میں لیا ہے اور یخ بستہ ہواؤں کی وجہ سے شدید سردی کی لہر جاری ہے ۔ محکمہ کے مطابق درجہ حرارت میں کمی ہونے کے ساتھ ہی پوری وادی سخت ترےن سردی کے لپےٹ مےں آچکی ہے ۔ انہوں نے بتاےا کہ وادی کے ساتھ ساتھ لداخ خطہ بھی شدےد سردی کی لپےٹ مےں ہے ۔محکمہ موسمیات کے مطابق گذشتہ رات کے دوران سرینگر میں کم سے کم درجہ حرارت منفی5.2ڈگری سیلشس ریکارڈ کیا گیا ۔ادھر سرینگر کے علاوہ دیگر اضلاع میں بھی اندرونی سڑکوں کے دونوں اطراف پر بھاری مقدار میں جمع برف جم جانے کی وجہ سے لوگوں کو کافی دشواریوں کا سامنا کرنا پڑ رہا ہے۔گھروں کے اندر ٹیوب ویل اور نل جم جانے کی وجہ سے بھی لوگوں کو بے حد مشکلات کا سامنا کرنا پڑ رہا ہے۔اس دوران گزشتہ رات بھر شدید سردی ہونے کے ساتھ سوموار کی صبح بھی سرینگر سمیت پوری وادی میں شدت کی سردی محسوس کی جارہی ہے۔شدید سردی کی لہر جاری رہنے کے باعث جھیل ڈل کی اوپری سطح پوری طرح سے منجمد رہی۔صبح کے وقت چلنے والی یخ بستہ ہواو¿ں اور شدت کی سردی کی لہر برقرار رہنے کے باعث صبح کے وقت زیادہ تر لوگ گھروں سے باہر نہیں نکل پارہے ہیں۔درجہ حرارت منفی ریکارڈ ہونے نتیجے میں نل اور پانی کی ٹینکیوں میں بھی پانی جم گیا ہے جس وجہ سے اب گھروں کے اندر بھی پانی دستیاب نہیں ہو رہا ہے اور لوگوں کو کافی مشکلات کا سامنا کرنا پڑ رہا ۔ (سی این آئی )