مہلک وبائی بیماری نے مزید 6افراد کی جان لی ، مہلوکین کی تعداد 498تک پہنچ گئی

سرینگر/12اگست: جموں کشمیر میں بھی کورنا وائرس کی وبائی بیماری سے اموات کا سلسلہ جاری ہے اور منگل کو مزید 6افراد کی موت کے ساتھ ہی مہلوکین کی تعداد 498تک پہنچ گئی ۔ادھر جموں کشمیر میں بدھ کے روز مزید 482معاملات مثبت سامنے آئے۔ جس کے ساتھ ہی جموں کشمیر میں مثبت معاملات کی تعداد 26ہزات سے اوپر چلی گئی ، نئے معاملا ت میں۔ سی این آئی کے مطابق جموں کشمیر میں کورنا وائرس کے کیسوں میں ہر گزرتے دن کے ساتھ ہی اضافہ دیکھنے کو ملا رہا ہے جبکہ اموات کی تعداد بھی بڑھتی جا رہی ہے ، بدھ کو 6مریضوں کی موت واقع ہوئی جس کے ساتھ ہی جموں کشمیر میں ہلاکتوں کی تعداد498تک پہنچ گئی ہے۔ حکام کے مطابق جموں کشمیر میں بدھ کو مزید پانچ فراد کورونا وائرس کی وجہ سے جاں بحق ہوگئے۔جن میں 25 سالہ دانگی واچی بارہمولہ کا شخص، لال بازار سرینگر کا 78 سالہ شخص، ریناوری سرینگر کا 68 سالہ شخص، نواب بازار سرینگر کا ایک 60 سالہ شخص، مرہمہ اننتناگ کا 70 سالہ شخص اور لارکی پورہ اننت ناگ کی ایک 50 سالہ خاتون شامل ہیں۔سکمز صورہ کے ایک عہدیدار نے بتایا کہ بارہمولہ سے تعلق رکھنے والا 25 سالہ نوجوان کو 11 اگست کو اسپتال میں داخل کیا گیا تھا اور بدھ کے روز وہ فوت ہوگیا۔انہوں نے بتایا کہ لال بازار سرینگر کا رہنے والا ایک 78 سالہ شخص جسے 24 جولائی کو داخل کیا گیا تھ، بدھ کے روز بھی اس کی موت ہوگئی۔ایس ایم ایچ ایس کے ایک عہدیدار نے بتایا کہ ریناوری سے تعلق رکھنے والا ایک 68 سالہ شخص ، جسے 06 اگست کو سی او پی ڈی، نمونیا اور دیگر بیماریوں کے ساتھ داخل کرایا گیا تھا بدھ کے روز فوت ہوگیا۔انہوں نے مزید کہا کہ نواب بازار سرینگر سے تعلق رکھنے والا ایک 60 سالہ شخص جسے 04 اگست کو نمونیا کے ساتھ داخل کرایا گیا تھا، بدھ کے روز اس کی موت ہوگئی۔جی ایم سی اننت ناگ کے ایک عہدیدار نے بتایا کہ مرہمہ اننت ناگ کا ایک 70 سالہ شخص اور لارکی پورہ اننت ناگ کی ایک 50 سالہ خاتون جو گذشتہ کئی دنوں سے زیر علاج ہے ۔ بدھ کو مزید چھ ہلاکتوں کے ساتھ ہی جموںکشمیر میں کورنا وائرس سے مرنے والوں کی تعداد 498 ہوگئی ہے جن میں کشمیر صوبے سے 461 اور جموں صوبے سے 37 شامل ہیں۔ادھر جموں کشمیر میں کیسوں میں اضافہ اور اموات کا نہ تھمنے والا سلسلہ جاری ہے جس کے نتیجے میں لوگو ں میں خوف و دہشت کی لہر پائی جا رہی ہے ،۔ادھر جموں کشمیر میں بدھ کے روز مزید 482معاملات مثبت سامنے آئے۔ جس کے ساتھ ہی جموں کشمیر میں مثبت معاملات کی تعداد 26ہزات سے اوپر چلی گئی ، نئے معاملا ت میں۔