وائٹ ہاوس کے نزدیک فائرنگ؛ ٹرمپ پریس بریفنگ چھوڑ کرچلےگئے،۔پھرواپس آئے

سرینگر /11اگست/کے پی ایس مونیٹرنگ :امریکی صدر ڈونلڈ ٹرمپ وائٹ ہاوس کے قریب فائرنگ کے بعد اچانک عالمی وبائی مرض کورونا وائرس سے متعلق پریس بریفنگ چھوڑ کر چلے گئے۔ ذرایع کے مطابق ٹرمپ باہر نکلنے کے بعد واپس آئے ، جس کے بعد انہوں نے صحافیوں کو بتایا کہ وائٹ ہاوس کے قریب فائرنگ کا کوئی واقعہ پیش آیا ہے ، جس کے بارے میں انٹلیجنس اہلکار انہیں بریفنگ دے رہے تھے۔
انہوں نے کہا”حالات اب مکمل طور پر قابو میں ہیں۔ میں فوری اور انتہائی موثر انداز میں کام کرنے کے لئے حکام کا شکریہ ادا کرنا چاہتا ہوں۔ ٹرمپ نے کہا”وائٹ ہاوس کے قریب حقیقت میں فائرنگ کا تبادلہ ہوا تھا اور کسی کو اسپتال لے جایا گیا ہے۔ میں اس شخص کی حالت نہیں جانتا لیکن ایسا لگتا ہے کہ اس شخص کو انٹیلی جنس افسران نے گولی مار دی ہے ، ا ہم دیکھیں گے یہ کیا ہوا ہے“۔ ٹرمپ کورونا وائرس کے بارے میں میڈیا بریفنگ میں آئے تھے اور پھر کسی افسر کے کچھ کہنے کے فورا بعد وہاں سے چلے گئے۔