کورونا کی دہشت گردی جاری، دنیا بھر میں وائرس کا نشانہ بننے والے ڈیڑھ لاکھ سے زائد انسان چل بسے

دنیا بھر میں کورونا وائرس سے ہلاکتوں کی تعداد ایک لاکھ 52 ہزار جبکہ مصدقہ مریضوں کی تعداد 22 لاکھ 50 ہزار سے متجاوز ہو گئی ہے۔

وائرس کے نئے مرکز متحدہ امریکہ میں ’’DMV‘‘ علاقے کے نام سے پہچانے جانے والے دارالحکومت واشنگٹن ، میری لینڈ اور ورجینیا ریاستوں میں مہلک وائرس سے ہلاکتوں کی تعداد 1 ہزار259 جبکہ متاثرین کی تعداد ایک ہفتے کے اندر دو گنا ہوتے ہوئے 20 ہزار جا پہنچی ہے۔ صدر ٹرمپ نے ملک میں وبا کے پھیلاؤ میں کمی آنے پر یقین رکھنے اور اس سے ہلاکتوں کی تعداد کے تخمینہ کو 60 تا 65 تک گرانے کا اعلان کیا تھا۔

اٹلی میں گزشتہ 24 گھنٹوں میں مزید 575 اموات کے ساتھ مجموعی جانی نقصان 22 ہزار 745 تک جا پہنچا ہے ، اموات کا 96.7 فیصد ونٹیلیٹرز کے فقدان سے رونما ہونے کی اطلاعات ہیں۔

فرانس میں ایک د ن میں مزید 761 اموات ہوئی ہیں اور اس ملک میں کل اموات کی تعداد 18 ہزار 681 ہو گئی ہے۔

کینیڈا میں کووڈ۔19 سے ایک دن میں 440 افراد لقمہ اجل بنے ہیں ، جن کے بعد مجموعی جانی نقصان 1 ہزار 273 تک ہو گیا ہے۔ملک کے صوبے قیوبیک میں حفظانِ صحت کے اداروں میں بتدریج اضافہ ہونے والے طبی عملے کی کمی کو پورا کرنے کے لیے ریٹائرڈ معالجین اور میڈیکل کالجز کے فائنل ایئر کے طلبا کی خدمات لی جانے لگی ہیں۔

جنوبی امریکی ملک پیرو میں مزید 26 اموات سے مجموعی اموات کی تعداد 300 جبکہ مصدقہ متاثرین کی تعداد 13 ہزار 489 ہو گئی ہے۔