سید علی گیلانی کی صحت اور ممکنہ طور پر ضمنی انتخابات کا انعقاد، مرکز ی سرکار کی جانب سے کشمیر میں تعینات اضافی فورسز کمپنیوں کو فی الحال نہ ہٹانے کا فیصلہ

سرینگر/یکم مارچ: حریت کانفرنس گ چیرمین سید علی شاہ گیلانی کی صحت اور ممکنہ پنچائتی انتخابات کو مد نظر رکھتے ہوئے مرکزی وزرات داخلہ نے کشمیر میں 5اگست کے بعد تعینات کی گئی اضافی فورسز کمپنیاں کو فی الحال کشمیر میں ہی تعینات رکھنے کا فیصلہ لیا ہے ۔ سی این آئی مانیٹرنگ کے مطابق گزشتہ سال پانچ اگست کو جموں کشمیر کی خصوصی پوزیشن دفعہ 370کے خاتمہ کے بعد وادی کشمیر میں امن وا مان کی صورتحال کو برقرار رکھنے کیلئے مرکزی سرکار نے سینٹرل ریزرو پولیس فورس ، بارڈر سیکیورٹی فورس ، آئی ٹی بی پی اور ایس ایس بی کی کم از کم 400 اضافی کمپنیاں کشمیر میں تعینات کی تھی ۔ وادی کشمیر میں حالات معمول پر آنے کے ساتھ ہی اگرچہ ماہ دسمبر میں کچھ علاقوںسے اضافی دستوں کی 72 کمپنیاں واپس بلالی گئی تھیں۔تاہم ماہ فروری میں حریت کانفریس گ چیرمین سید علی گیلانی کی صحت کے حوالے سے پھیلائی افواہوں اور آنے والے سیاحتی سیز کو مد نظر رکھتے ہوئے مرکزی وزارت داخلہ نے کشمیر سے فورسز کے مزید دستوں کی واپسی کو فوری طور پر روک دیا جائے۔معروف انگریزی روزنامہ ٹائمز آف انڈیا کوسی آر پی ایف کے ایک سنیئر افسر نے نام نہ بتانے کی شرط پر بتایا کہ وادی کشمیر میںامن و امان کی صورتحال کو برقرا ر رکھنے کیلئے مرکزی وزرات داخلہ ہر ممکن اقدامات اٹھا رہی ہے ۔ انہوں نے بتایا کہ اگرچہ مرکزی سرکار یہ چاہتی تھی کہ وادی کشمیر میں حالات معمول پر آنے کے ساتھ ہی یہاں تعینات فورسز کی اضافی نفری کو واپس بلا یا جائے گا تاہم گزشتہ ماہ میںسید علی گیلانی کے صحت کے بارے میں ہوئی افواہوں کے بعد مرکزی سرکار نے یہ فیصلہ لیا کہ اضافی کمپنیوں کو فی الحال کشمیر میں ہی تعینات رکھا جائے گا ۔ ( سی این آئی )