ہوٹل میں پستول لہرانے کا معاملہ: دہلی کی عدالت میں آشیش پانڈے کی خود سپردگی

نئی دہلی،(یواین آئی) دہلی کے ہوٹل حیات میں پستول دکھا کر ایک لڑکی کودھمکانے کے معاملہ میں مفرور بہوجن سماج وادی پارٹی (بی ایس پی) کے سابق ممبر پارلیمنٹ راکیش پانڈے کے بیٹے آشیش پانڈے نے جمعرات کو یہاں پٹیالہ ہاؤس عدالت میں خود سپردگی کردی۔

عدالت میں ہتھیار ڈالنے سے پہلے پانڈے نے ایک ویڈیو جاری کر کےخود کو بے قصور قرار دیا۔آشیش پانڈے نے کہا’’میڈیا میرے خلاف مہم چلا رہا ہے۔ وہ مجھے دہشت گرد وںکی طرح دکھا رہا ہے۔

میرے خلاف غیر ضمانتي وارنٹ جاری کر دیا گیا، لیکن ہوٹل کے اس دن کے سي سي ٹي وي فوٹیج دیکھا جائے تو صاف پتہ چل جائے گا کہ کون گناہگار ہے‘‘۔