روس شمالی کوریا پر عائد پابندیوں کی خلاف ورزی کر رہا ہے : امریکہ
نیویارک 04 اگست : اقوام متحدہ میں امریکی سفیر نکی ہیلی نے روس پر الزام لگایا ہے کہ وہ اقوام متحدہ کی جانب سےشمالی کوریا پر عائد کی گئی پابندیوں کی خلاف ورزی کر رہا ہے۔
محترمہ ہیلی نے جمعہ کو یہاں ایک قابل اعتماد رپورٹ کا حوالہ دیتے ہوئے کہا کہ روس شمالی کوریا کے کارکنوں کو کام کے لئے نئے پرمٹ فراہم کر رہا ہے۔
انہوں نے اپنے بیان میں کہا، "روس اقوام متحدہ کی سلامتی کونسل کی طرف سے شمالی کوریا کے کارکنوں کے بیرون ملک کام کرنے پر لگائی گئی پابندیوں کی خلاف ورزی کر رہا ہے۔ اس سلسلے میں قابل اعتماد رپورٹیں موصول ہوئی ہیں۔ روس سلامتی کونسل میں جہاں شمالی کوریا پر پابندیوں کی حمایت کرتا ہے اور پھر ان پابندیوں کی خلاف ورزی کرتا ہے۔”
رائٹر۔
Comments are closed.