سری نگر ، 27مارچ : نیشنل کانفرنس کے کارگذار صدر عمر عبداللہ نے الزام لگایا کہ بھارتیہ جنتا پارٹی (بی جے پی) سپریم کورٹ میں وسیع سنگھ پریوار کی ذیلی تنظیموں کے ذریعے جموں وکشمیر کو خصوصی پوزیشن عطا کرنے والی آئین ہند کی دفعہ 370 اور 35 اے کے خلاف سازشیں کررہی ہے۔
انہوں نے مائیکرو بلاگنگ کی ویب سائٹ ٹویٹر پر اپنے ایک ٹویٹ میں کہا ’ایک طرف حکومت دعویٰ کرتی ہے کہ دفعہ 370 اور دفعہ 35 اے کو ختم کرنے کا کوئی منصوبہ حکومت کے زیر غور نہیں جبکہ دوسری طرف یہی جماعت وسیع سنگھ پریوار کی ذیلی تنظیموں کے ذریعے سپریم کورٹ میں ان دفعات کے خلاف سازشیں کررہی ہے‘۔
مسٹر عبداللہ وزیر مملکت برائے داخلہ ہنس راج گنگا رام اہیر کے پارلیمنٹ میں بی جے پی ممبر پارلیمنٹ اشونی کمار کے سوال کے تحریری جواب کہ ’دفعہ 370 اور دفعہ 35 اے کو ختم کرنے کا کوئی منصوبہ حکومت کے زیر غور نہیں‘ پر اپنا ردعمل ظاہر کررہے تھے
(یو ا ین آئی)
Comments are closed.