جموں/7 جولائی
جموں کی ایک خصوصی عدالت نے قومی تحقیقاتی ایجنسی (این آئی اے) کو اپریل میں پہلگام دہشت گردانہ حملے میں مبینہ طور پر ملوث پاکستانی دہشت گردوں کو پناہ دینے کے الزام میں گرفتار کیے گئے دو ملزمان کا مزید 10 دن کا ریمانڈ منظور کیا
عہدیداروں نے بتایا کہ پہلے 10 دن کے ریمانڈ کی میعاد ختم ہونے کے بعد، پرویز احمد جوتھر اور بشیر احمد جوتھر کو خصوصی این آئی اے عدالت کے سامنے پیش کیا گیا، جس نے ان کے ریمانڈ میں توسیع کی تاکہ این آئی اے کو اس کیس کی تحقیقات کرنے کے قابل بنایا جاسکے۔
دونوں کو 22 جون کو گرفتار کیا گیا اور اگلے دن جموں کی ایک مقامی عدالت میں پیش کیا گیا۔ عدالت نے ابتدائی طور پر کیس کو خصوصی عدالت میں منتقل کرنے سے پہلے این آئی اے کو پانچ دن کا ریمانڈ دیا تھا۔
این آئی اے کے مطابق، ملزمان نے حملے میں ملوث تین مسلح دہشت گردوں کی شناخت ظاہر کی اور تصدیق کی کہ وہ پاکستانی شہری ہیں جو ممنوعہ دہشت گرد تنظیم لشکر طیبہ (ایل ای ٹی) سے وابستہ ہیں۔
Comments are closed.