لوگوں سے کئے گئے وعدوں کو ہر حال میں پورا کیا جائے گا :نائب وزیر اعلیٰ

جموں،23فروری

جموں وکشمیر کے نائب وزیر اعلیٰ سریندر کمارچودھری نے حکومت کے اس عزم کا اعادہ کیا کہ عوام کو درپیش مسائل کو کم کیا جائے گا اور ان کے ازالے کے لئے موثر طریقہ کار وضع کیا گیا ہے۔

اُنہوں نے کہا، ”متعلقہ حکام کو پہلے ہی ضروری ہدایات دی جا چکی ہیں تاکہ عوامی شکایات کو ترجیحی بنیادوں پر حل کیا جائے اور ترقیاتی کاموں کی رفتار تیز کی جائے۔ ہم ترقی اور دیگر روزمرہ کی زِندگی سے متعلق مسائل سے آگاہ ہیں ۔“

نائب وزیر اعلیٰ نوشہرہ سندربنی اور ضلع راجوری کے دیگر علاقوں سے آئے ہوئے متعدد وفود سے بات چیت کر رہے تھے،جنہوں نے آج ان سے ملاقات کی اور اَپنے علاقوں اور خدمات سے متعلق کئی مسائل پیش کئے۔
بعد میں سابق قانون سازوں، سرپنچوں اور مختلف علاقوں سے آئے ہوئے اَفراد نے بھی نائب وزیر اعلیٰ سریندر کمار چودھری سے ملاقات کی اور اَپنے حلقوں اور علاقوں سے متعلق ترقیاتی اور دیگر مسائل کو اُجاگر کیا۔
نائب وزیر اعلیٰ نے وفود کو یقین دلایا کہ ان کی جانب سے پیش کردہ مسائل کو جلد از جلد ازالہ کیا جائے گا۔