بقایاجات بجلی فیس ادا نہ کرنے کی صورت میں کنکشن منقطع کرنے کے علاوہ کوئی چارہ نہیں / منیجنگ ڈائریکٹر

سرینگر /10جنوری /

موسم سرما میں بجلی کی عدم دستیابی اور فیس میں اضافہ کو لیکر صارفین کے احتجاج کے بیچ کشمیر پاور ڈسٹری بیوشن کارپوریشن لمیٹڈ (کے پی ڈی سی ایل) کے منیجنگ ڈائریکٹر نے واضح الفاظ میں صارفین کو کہا ہے کہ بقایاجات بجلی فیس ادا کیا جائے بصورت دیگر کے پی ڈی سی ایل کے پاس کنکشن منقطع مہم کو مزید تیز کرنے کے علاوہ کوئی چارہ نہیں ہوگا ۔

سٹار نیوز نیٹ ورک کے مطابق میڈیا سے بات کرتے ہوئے کشمیر پاور ڈسٹری بیوشن کارپوریشن لمیٹڈ (کے پی ڈی سی ایل) کے منیجنگ ڈائریکٹر مسرت اسلام نے صارفین پر زور دیا کہ وہ بجلی فیس جو بھی بقایاجات کو کلیئر کریں، ایسا نہ کرنے کی صورت میں کے پی ڈی سی ایل کے پاس اپنی منقطع مہم کو مزید تیز کرنے کے علاوہ کوئی چارہ نہیں بچے گا۔ انہوں نے مزید کہا کہ بقایا جات والے سمارٹ میٹر صارفین اپنے زیر التواءبجلی کے بل ادا نہ کرنے پر خود بخود منقطع ہو جائیں گے۔

گھریلو، تجارتی اور صنعتی زمروں میں بھاری فیس بقایا جات کے اعداد و شمار پر شدید تشویش کا اظہار کرتے ہوئے منیجنگ ڈائریکٹر نے کہا کہ زیر التواءبلوں کی منظوری کے باعث حاصل ہونے والی آمدنی کے پی ڈی سی ایل کو بجلی کی خریداری کیلئے کافی وسائل کی دستیابی کے قابل بنائے گی جو قابل بھروسہ سپلائی فراہم کرنے کیلئے اہم ہوگی۔انہوں نے یہ بھی کہا کہ بجلی کی بھاری رقم جو فیس کے بطور بقایات ہے

۔ کارپوریشن کی مالی صحت پر اثر ڈال رہے ہیں کیونکہ یہ ری ویمپڈ ڈسٹری بیوشن سیکٹر اسکیم (آر ڈی ڈی ایس) کے تحت فنڈ کے بہاو¿ کو متاثر کرے گا، جس کا مقصد کشمیر صوبے میں ایل ٹی ڈسٹری بیوشن نیٹ ورک کو تبدیل کرنا ہے۔واجبات کی ادائیگی میں تمام صارفین سے تعاون کی درخواست کرتے ہوئے،منیجنگ ڈائریکٹر نے مزید کہا کہ بقایا جات کی وصولی کی مجبوری کو مدنظر رکھتے ہوئے کے پی ڈی سی ایل نے تمام 19 الیکٹرک ڈویژنوں کو ہدایات جاری کی ہیں کہ وہ بقایات والے صارفین کے کنکشن منقطع کرنے کی مہم میں مزید تیزی لائیں جو وقت پر اپنے توانائی کے واجبات ادا کرنے سے گریزاں ہیں۔