شوپیاں میں دو ہابرڈ جنگجووں کو گرفتار کیا گیا / پولیس

سرینگر /07ستمبر

جنوبی ضلع شوپیاں کے ترنز علاقے میں ناکہ چیکنگ کے دوران سیکورٹی فورسز نے دو ہابرڈ ملی ٹینٹوں کو دھر دبوچ کر سلاخوں کے پیچھے دھکیل دیا۔
پولیس کے ایک ترجمان نے بتایا کہ مصدقہ اطلاع موصول ہونے کے بعد 44 آر آر، 178 بٹالین سی آر پی ایف اور شوپیاں پولیس نے ترنز علاقے میں بدھ کے روز ناکہ چیکنگ کے دوران دو ہابرڈ ملی ٹینٹوں کو اسلحہ وگولہ بارود سمیت گرفتا رکیا۔
انہوں نے گرفتار شدگان کی شناخت فیضان فیاض بٹ ولد فیاض احمد بٹ ساکن بڈن رفیع آباد اور یاور نظام میر ولد نظام الدین ساکن کونسو شوپیاں کے بطورکی۔انہوں نے بتایا کہ گرفتار ہابرڈ جنگجووں کے قبضے سے دو پستول، دو پستول میگزین، دو گرینیڈ، ایک اے کے میگزین اور پچاس اے کے گولیوں کے راونڈ برآمد کرکے ضبط کئے گئے۔ دوران تفتیش ہابرڈ جنگجووں نے بتایا کہ وہ لشکر طیبہ کے ساتھ وابستہ ہے۔پولیس نے معاملے کی نسبت کیس درج کرکے مزید تحقیقات شروع کی۔یو این آئی