جنگجوئوں کی جانب سے بارودی سرنگوں کا پتہ لگانے کیلئے ریموٹ گاڑیاں

سرینگر/05مارچ/سی این آئی// جنگجوئوں کی جانب سے لگائی جانے والی بارودی سرنگوں کا پتہ لگانے کیلئے جموں کشمیر پولیس اب ریمورٹ سے چلنے والی گاڑیوں کا استعمال کرے گی اور جموں کشمیر پولیس ایسی گاڑیاں استعمال کرنے والی ملک کی پہلی پولیس ہوگی۔ کرنٹ نیوز آف انڈیا کے مطابق جنگجوئوںکے استعمال کردہ آئی ای ڈی کا پتہ اب ریموٹ سے چلنے والی گاڑیوں کے ذریعے کیا جائے گا۔ جموں وکشمیر پولیس دور سے چلنے والی جدید گاڑیاں خریدنے جا رہی ہے۔ یہ عمل 6 مارچ سے شروع ہوگا۔ جموں وکشمیر پولیس ایسی گاڑیاں استعمال کرنے والی ملک کی پہلی پولیس ہوگی۔ اب تک ، فوج منتخب آپریشنوں پر ایسی گاڑیاں استعمال کررہی ہے۔ذرائع سے معلوم ہوا ہے کہ سیکیورٹی فورسز کو نشانہ بنانے کے لئے اب ملیٹینٹ آئی ای ڈی کا استعمال کر رہے ہیں۔ ایسی صورتحال میں نئی گاڑیاں اس طرح کے حملوں کی روک تھام کے لئے کارآمد ثابت ہوں گی۔ سڑک پر یا کہیں اور آئی ای ڈی کا پتہ لگانے کے ساتھ اس میں شامل ٹیکنالوجی آئی ای ڈی کو بھی غیر فعال کردے گی۔ فی الحال بم ڈسپوزل اسکواڈ کی مدد سے IEDs کا پتہ لگایا گیا ہے۔ بم ڈسپوزل اسکواڈ کے ماہرین بھی اسے تباہ کرتے ہیں۔بتایا جارہا ہے کہ بغیر ڈرائیور کے ریموٹ سے چلنے والی ان گاڑیوں کی قیمت 5 سے 20 کروڑ تک ہوسکتی ہے۔ یہ گاڑی کہیں بھی اور کسی بھی حالت میں پہنچ سکے گی۔ وہ پانی میں نصب IEDs کا بھی پتہ لگاسیں گے۔ کوروناکی وجہ سے ریموٹ گاڑیوں کو خریداری کا عمل شروع کرنے میں تاخیر ہوئی ہے۔ اب 6 مارچ سے اس کی خریداری کا عمل شروع ہوگا۔ اس دن کمپنیاں محکمہ پولیس کو ایک پریزنٹیشن دیں گی۔ اس کے بعد فیصلہ کیا جائے گا کہ گاڑی کس کمپنی سے خریدی جائے گی۔سال 2019 میں ، 14 فروری کو پلوامہ میں سی آر پی ایف کے قافلے پر 200 کلو سے زیادہ آر ڈی ایکس آئی ای ڈیز کے اڑانے کے معاملے کے بعد ریاست میں اس طرح کے واقعات تسلسل کے ساتھ پیش آرہے ہیں۔ دہشتگرد تنظیمیں آئی ای ڈی کو متعین کرکے سکیورٹی فورسز کو گھات لگانے کی کوشش کر رہی ہیں۔ پچھلے دو سالوں میں ، IEDs کے 40 سے زیادہ واقعات ہوئے ہیں۔