بانڈی پورہ میں آگ کی بھیانک واردات ؛ تین کنبے کھلے آسمان تلے زندگی گزارنے پر مجبور ، پٹن میں بھی رہائشی مکان کو نقصان

سرینگر/24نومبر: ضلع بانڈی پورہ میں سوموار کی شام آگ کی ایک بھیانک واردات میں تین رہائشی مکانات خاکستر ہوئے جس کے نتیجے میں تین کنبے کھلے آسمان تلے زندگی گزارنے پر مجبور ہوئے ہیں ۔کرنٹ نیوز آف انڈیا کے مطابق شمالی کشمیر کے ضلع بانڈی پورہ میں سوموار کی شام مین ٹاون کے ایک علاقے میں آگ کی ایک بھیانک واردات رونماء ہوئی جس میںتین رہائشی مکانات خاکستر ہوئے ۔ معلوم ہوا ہے کہ بانڈی پورہ کے پلان علاقے میں ایک مکان سے آگ نمودار ہوئی جس نے آنا فانا دیگر دومکانات کو اپنی لپیٹ میںلے لیا ۔ آگ اس قدر بھیانک تھی کہ مکینوںکو ئی بھی چیز نکالنے کا موقع نہیں ملا جبکہ انہوں نے جو کپڑے پہنے تھے وہ بچ گئے باقی سب خاکستر ہوااور لاکھوں روپے مالیت کی املاک تباہ ہوئی ۔ اس دوران معلوم ہوا ہے کہ آگ میں کچھ نقدی اور زیورات بھی ختم ہوئے ہیں اس کے علاوہ دیگر قیمتی سامان بھی راکھ بن گیا ہے ۔ فائر سروس عملہ اور مقامی لوگوںنے اگرچہ آگ پر قابو پانی کی کوشش کی تاہم اُس وقت تک بہت دھیر ہوئی تھی ۔ ادھر سوموار اورمنگل کی درمیانی شب ، بارہمولہ ضلع کی تحصیل پٹن کے گاؤں پاکی پورہ میں پولیس اہلکار کے مکان کی چھت کو اچانک آگ بھڑک اٹھی۔اطلاعات میں بتایا گیا ہے کہ منگل کی صبح تقریباً 02 بجے کے قریب محمد شفیع راتھر (پولیس اسسٹنٹ سب انسپکٹر) کے گھر میں آگ لگی جس نے چھت کو مکمل طور پر نقصان پہنچایا جس کی قیمت 5 لاکھ ہے۔ذرائع نے سی این آئی کو بتایا کہ فائر اینڈ ایمرجنسی سروس فوری طور پر موقع پر پہنچی اور آگ کو مزید پھیلنے سے روکنے کے لئے شعلوں کو بھڑکا دیا۔ذرائع نے مزید بتایا کہ "آگ کی وجہ شارٹ سرکٹ بتایا جاتا ہے پولیس عہدیدار نے بتایا کہ رپورٹ انکوائری کے لئے داخل ہوگئی ہے اور جانچ جاری ہے۔انہوں نے مزید کہا ، "تاہم آگ کی وجہ معلوم نہیں ہوسکی ہے۔