سرکاری احکامات کی خلاف ورزی؛گاندربل میں ماسک نہ پہننے والوں سے جرمانہ وصول

سرینگر/19جولائی: گاندربل میں ماسک نہ پہننے پر درجنوں افراد کے خلاف جرمانہ کیا گیا ہے ۔ معلوم ہوا ہے کہ ضلع میں بڑھتے کووڈ مریضوں کی تعداد کو مد نظر رکھ انتظامیہ نے لاک ڈاون مزید سخت کردیاہے ۔ کرنٹ نیوز آف انڈیا کے مطابق وسطی کشمیر کے ضلع گاندربل میں پولیس نے ہیلتھ گائڈ لائنوں پر عمل نہ کرنے کی پاداش میں قریب 82افراد کے خلاف جرمانہ کیا ہے ۔ اس ضمن میں ایس ایس پی گاندربل خلیل پوسوال نے کہا کہ ماسک نہ پہننے والے افراد سے 10,500/-روپے بطور جرمانہ وصول کیا گیا ہے ۔ یاد رہے کہ ضلع گاندربل میں کوروناوائرس کے کیسوں میں مسلسل اضافہ دیکھنے کو مل رہا ہے ۔جس کے نتیجے میں ضلع انتظامیہ نے ضلع میں لاک ڈاون مزید سخت کرنے کا فیصلہ کرلیا ہے ۔