سرینگر جموں شاہراہ پر پساں گرآنے کے بعد ٹریفک کی نقل و حمل پھر بند

سرینگر/06مارچ/: تازہ بارشوں مے باعث سرینگر جموں شاہراہ پر جمعہ کو ایک مرتبہ پھر پسیاں گر آنے کے بعد بار پھر ٹریفک کے نقل و حمل کیلئے بند کردی گئی ہے ۔ ادھر شاہراہ سے بڑی بڑی چٹانیں اور دیگر ملبہ ہٹانے کا کام شدومد سے جاری ہے ۔ اس دوران معلوم ہوا ہے کہ شاہراہ پر ہنوز ہزاروں کی تعداد میں مال بردار اور مسافر گاڑیاں درماندہ ہیں ۔کرنٹ نیوز آف انڈیا کے مطابق سرینگرجموں شاہراہ پر جمعہ کو تازہ زمینی تودے گر آنے کے بعد اس شاہراہ پر گاڑیوں کی آمد و رفت پھر معطل ہوئی ہے۔بتایا جاتا ہے کہ گزشتہ دو دونوں سے سرینگر جموں شاہراہ پر ٹریفک کی نقل و حمل میں خلل واقع ہونے کے بعد جمعرات کی شام کو ٹریفک حکام نے اعلان کیا تھا کہ جمعہ کو شاہراہ کے درماندہ گاڑیوں کو چلنے کی اجازت دی جائے گی تاہم بدھ کی صبح اگرچہ درماندہ گاڑیوں کو چلنے کی اجازت دی گئی بعد میں مختلف مقامات پر تودے پھر سے گر آنے کے بعد شاہراہ پر ٹریفک کی نقل و حمل بند کر دی گئی ۔حکام کے مطابق ضلع رام بن میں کافی تودے گر آئے ہیں جن کو ہٹانے کا کام شد و مد سے جاری ہے۔انہوں نے کہا کہ ایک اور تودہ رامسو علاقے کے موم پاسی میں بھی گر آیا ہے۔ذرائع سے معلوام ہوا ہے کہ سرینگر جموں شاہراہ کچھ مدت کیلئے کھول دی گئی تھی تاہم کچھ وقفہ کے بعد ہی سرینگر جموں شاہراہ پر رام بن کے قریب پسیاں گرآنے اور بڑی بڑی چٹانیں کھسکنے کی وجہ سے شاہراہ پر ٹریفک کی نقل و حمل پھر بند کردی گئی ہے ۔ تاہم شاہراہ پر پٹا ملبہ اور بڑی بڑی چٹانوں کو ہٹانے کا کام جاری ہے۔ ادھر سرینگر جموں شاہراہ ایک بار پھر بند ہونے کے نتیجے میں شاہراہ پر ہزاروں کی تعداد میں مال بردار اور مسافر گاڑیاں درماندہ ہوکے رہ گئیں ہیں ۔ سرینگر جموں شاہراہ کو دوبارہ ٹریفک کی نقل و حمل کے قابل بنانے کیلئے متعلقہ ایجنسیاں کام کررہی ہے تاہم ٹنل کے نزدیک ہورہی بارشوں کے نتیجے میں کام میں دشواریاں پیش آرہی ہے ۔ ادھر حکام نے بتایا ہے کہ شاہراہ کو قابل آمدورفت بنانے کیلئے کام جاری ہے اور امید ہے کہ آج دیر رات تک کام مکمل ہوگا ۔