ریاست بھر میں300 پولنگ مراکز پر صُبح6 بجے سے شام4 بجے تک ووٹنگ ہوگی
سری نگر :چیف الیکٹورل افسر جے اینڈ کے شالین کابرا نے آج شام کہا ہے کہ ریاست میں13 اکتوبرکو300 پولنگ مراکز پر تیسرے مرحلے کے میونسپل انتخابات2018 منعقد کئے جائیں گے۔انہوں نے کہا کہ پولنگ کے اوقات صُبح6 بجے سے لے کر شام4 بجے تک ہوں گے۔
ایک بیان میں سی ای او نے کہا کہ تیسرے مرحلے میں8 شہری بلدیاتی اداروں کے96 وارڈوں میں365 اُمیدوار میدان میں ہیں اور اس مرحلے میں193990 رائے دہنددگان ووٹ ڈالنے کے حقدار ہوں گے۔ انہوں نے کہا کہ ووٹروں کی زیادہ تعداد والے پولنگ سٹیشنوں پر اضافی پولنگ عملے کو تعینات کیا گیاہے۔
سی ای او نے کہا کہ میونسپل انتخابات کے پہلے دو مرحلوں میں پولنگ کی مجموعی شرح47.2 رہی۔
انہوں نے کہا کہ انتخابات کے آزادانہ اور منصفانہ انعقاد کو یقینی بنانے کے لئے مشاہدین تعینات کئے گئے ہیں ۔ علاوہ ازیںکشمیر صوبے کے222 اور جموں صوبے کے19 انتہائی حساس پولنگ مراکز پر مائیکرو ابزرور بھی تعینات کئے گئے ہیں۔
سی ای او نے کہا کہ ریاست بھر میں ووٹنگ کے لئے تمام پولنگ سٹیشنوں پر کم سے کم بنیادی سہولیات بہم کرائی جارہی ہیں۔ انہوں نے کہا کہ ووٹروں کو اُن کے پولنگ سٹیشنوں کے بارے میں جانکاری دینے کے لئے اُن میں فوٹو ووٹر سپلس تقسیم کی گئی ہیں۔
شالین کابرا نے کہا کہ سنئیر سرکاری حکام کو جنرل ابزرور کے طور پر تعینات کیا گیا ہے تا کہ وہ منصفانہ اور احسن چناو¿ پر نظر گذر رکھ سکیں۔انہوں نے کہا کہ اخراجاتی مشاہدین اُمیدواروں کے اخراجات پر نگاہ رکھے ہوئے ہیں۔ انہوں نے مزید کہا کہ پولنگ کے روز پولنگ سٹیشنوں بالخصوص حساس اور انتہائی حساس مراکز پر مائیکرو ابزرور تعینات کئے گئے ہیں۔
سی ای اونے مزید کہا کہ پورے چناو¿ عمل پر نظر گذر رکھنے کے لئے زونل اور سیکٹر مجسٹریٹ بھی تعینات کئے گئے ہیں۔انہوں نے کہا کہ ضلع ترقیاتی کمشنر پولنگ عمل سے جڑے تمام اہم واقعات کی عکس بندی بھی کر رہے ہیں۔
شالین کابر انے کہا کہ ریاست کے تمام میونسپل اداروں میں کنٹرول روم قائم کئے جاچکے ہیں تا کہ مثالی ضابطہ اخلاق کی خلاف ورزی کے سلسلے میں شکایات کا فوری طور سے سدباب کیا جاسکے ۔ علاوہ ازیں عوام تک لازمی جانکاری پہنچائی جاسکے۔ انہوں نے کہا کہ ریاست بھر میں منصفانہ چناو کو یقینی بنانے کے لئے سلامتی کے خاطر خواہ انتظامات بھ عمل میں لائے گئے ہیں۔
سی ای او نے کہا کہ حکومت نے چناو کے روز متعلقہ میونسپل علاقوں میں چھٹی کا اعلان کیا ہے تا کہ ووٹر اپنے حق رائے دہی کا آسانی سے استعمال کرسکیں۔ انہوں نے کہا کہ وضع کئے گئے رہنما خطوط کے مطابق مرکزی سرکار کے دفاتر بند نہیں ہوں گے تا ہم وہاں کے ملازمین جو ووٹ ڈالنے کے متمنی ہوں، انہیں دفتر دیر سے آنے یا انہیں وقت سے پہلے نکلنے کی چھوٹ دی جانی چاہئے۔
سی ای او نے ووٹروں سے کہا کہ وہ اپنی ضروریات کو پورا کرنے کے لئے مقامی خود حکمرانی کا عمل چُننے کے لئے اپنے آئینی حق کا استعمال کریں۔
واضع رہے کہ میونسپل انتخابات2018 چار مرحلوں میں79 میونسپل اداروں میں منعقد کئے جارہے ہیں اور ان میں17 لاکھ رائے دہندگان اپنی حق رائے دہی کا استعمال کر رہے ہیں۔
واضع رہے کہ1145 وارڈوں کے لئے3372 نامزدگیاں داخل کی گئیں۔چار مرحلوں کے انتخابات کے لئے8,10,13 اور16 اکتوبر کی تاریخیں مقرر کی گئیں۔
Comments are closed.