پہلگام میں منعقدہ کابینہ میٹنگ خطے کیلئے ایک اہم لمحہ اور مقامی ترقی کیلئے حکومت کے عزم کی عکاسی / سکینہ ایتو

سرینگر /27مئی / ٹی آئی نیوز

صحت اور طبی تعلیم، اسکول اور اعلیٰ تعلیم، اور سماجی بہبود، جموں و کشمیر حکومت کی وزیر سکینہ ایتو نے کہا کہ پہلگام میں منعقدہ کابینہ کی میٹنگ خطے کے لیے ایک اہم لمحہ ہے اور مقامی ترقی کے لیے حکومت کے عزم کی عکاسی کرتی ہے۔

پہلگام میں کابینہ میٹنگ میں شرکے کے بعد میڈیا سے بات کرتے ہوئے سکینہ ایتو نے کہ”ہم کافی عرصے کے بعد یہاں نہیں آئے ہیں۔ ہم جموں و کشمیر میں رہتے ہیں اور اکثر پہلگام جاتے ہیں۔ لیکن آج کی کابینہ کی میٹنگ، جس کی میزبانی جناب وزیر اعلیٰ نے کی، ایک بہت ہی مثبت اور اہم قدم ہے۔ “ انہوں نے اس بات پر زور دیا کہ اس میٹنگ میں علاقے میں ایک حالیہ واقعہ کی مذمت اور پہلگام کے لوگوں کے ساتھ اظہار یکجہتی کے لیے بھی کام کیا گیا۔

سوالوں کا جواب دیتے ہوئے، انہوں نے کہا”ہاں، فیصلے ہو چکے ہیں اور انشااللہ جلد ہی منظر عام پر لائے جائیں گے“۔پہلگام میں وزیر اعلیٰ کی موجودگی کو مقامی لوگوں کے لیے بڑے فخر کی بات قرار دیتے ہوئے، انہوں نے مزید کہا ” ڈیپوٹیشن کے بعد ڈیپوٹیشن آگے آئے، وزیر اعلیٰ کے ساتھ اپنے تحفظات کا اظہار کیا، اور انہوں نے انہیں یقین دلایا کہ ضروری کارروائی کی جائے گی“۔

سیاحتی مقامات کو دوبارہ کھولنے کے بارے میں پوچھے جانے پر، ایتو نے بتاہا کہ کھولنے یا بند کرنے کے بارے میں نہیں ہے، یہ ہمیشہ کھلا رہتا ہے۔ جیسا کہ لوگ کہتے ہیں، اگر زمین پر جنت ہے تو وہ یہاں ہے۔ سیاحوں کا ہمیشہ استقبال کیا جاتا ہے“۔