سرینگر / 03مارچ / ٹی آئی نیوز
شہر ہ آفاق گلمرگ میں گزشتہ دنوں ہوئی بھاری برفباری کے بعد سرمائی کھیل مقابلوں ” کھیلو انڈیا “ کے ایک اور مرحلے کو منظور ی مل گئی ہے اور یہ مقابلے 9سے 12مارچ کے درمیان کھلیں جائیں گے ۔
تفصیلات کے مطابق وادی کشمیر میں گزشتہ کئی دنوں کے دوران خراب موسمی صورتحال کے بیچ شہر ہ آفاق گلمرگ میں اچھی خاصی برفباری درج ہوئی جس کے بعد حکام نے اعلان کیا ہے کہ کھیلو انڈیا سرمائی کھیل مقابلوں کا اگلا مرحلہ 9 سے 12 مارچ تک گلمرگ میں منعقد ہوگا ۔
حکام کے مطابق شہرہ آفاق گلمرگ 09سے 12مارچ تک 5ویں کھیلو انڈیا سرمائی کھیلوں کے دوسرے مرحلے کی میزبانی کرنے کے لیے تیار ہے کیونکہ ناکافی برفباری کی وجہ سے ایونٹ ملتوی ہو گیا تھا
ایک اہلکار نے بتایا کہ اس ایونٹ میں ملک بھر سے 300 سے زیادہ ایتھلیٹس حصہ لیں گے، جو موسم سرما کے مختلف کھیلوں میں حصہ لیں گے، جن میں الپائن سکینگ، نورڈک سکینگ، سکی کوہ پیمائی، اور سنو بورڈنگ شامل ہیں۔
انہوں نے کہا کہ کھلاڑیوں اور مہمانوں کیلئے یکساں تجربہ کو یقینی بناتے ہوئے تمام ضروری انتظامات کو حتمی شکل دے دی گئی ہے
Comments are closed.