کشمیر کیلئے ٹرین سروس بہت جلد شروع ہو جائے گی / وزیر ریلوئے اشونی ویشنو

سرینگر /11جنوری /

جموں کشمیر کیلئے ٹرین سروس بہت جلد شروع ہو جائے گی کا اعلان کرتے ہوئے ریلوئے کے مرکزی وزیر اشونی ویشنو نے کہا کہ نئے ریلوے روٹ کی تعمیر کا شاندار منصوبہ انجینئرنگ کی مہارت اور عزم کا ثبوت ہے، جو اہم جغرافیائی اور موسمی چیلنجوں پر قابو پاتا ہے۔

چنئی میں انٹیگرل کوچ فیکٹری میں امرت بھارت ٹرین کے نئے کوچوں اور دیگر پروجیکٹوں کے معائنہ کے دوران پراجیکٹ کے بارے میں میڈیا سے بات کرتے ہوئے مرکزی وزیر ریلوئے وزیر اشونی ویشنو نے کہا کہ یہ قوم کا ایک اہم خواب تھا، ایک نئی ریلوے لائن جو جموں کو جوڑتی ہے اور کشمیر جس میں بہت زیادہ پیچیدگیاں شامل ہیں۔ 111 کلومیٹر ریلوے لائن میں سے 97 کلومیٹر سرنگوں اور 6 کلومیٹر پلوں پر مشتمل ہے۔ویشنو نے مزید کہا کہ یہ ایک انتہائی پیچیدہ پروجیکٹ ہے اور اس کا خواب اب پورا ہوگیا ہے۔ کام مکمل ہو چکا ہے اور سی آر ایس کا معائنہ کیا جا چکا ہے۔ رپورٹ موصول ہونے کے بعدہم ٹرین سروس شروع کر دیں گے۔

انہوں نے مزید کہا کہ نئے ریلوے روٹ کی تعمیر کا شاندار منصوبہ انجینئرنگ کی مہارت اور عزم کا ثبوت ہے، جو اہم جغرافیائی اور موسمی چیلنجوں پر قابو پاتا ہے“۔وزیر نے بتایا کہ ایک نئی وندے بھارت ٹرین بھی خاص طور پر اس مقصد کے لیے ڈیزائن کی گئی ہے۔انہوں نے کہا ” چونکہ درجہ حرارت منفی 10 یا منفی 20 ڈگری تک گر سکتا ہے، اس لیے الیکٹریکل لائنز، الیکٹرانکس، اور ٹرین کا پہیوں سے تعلق جیسے عوامل متاثر ہوتے ہیں۔ ان چیلنجوں کو ذہن میں رکھتے ہوئے نئے وندے بھارت کو ڈیزائن کیا گیا ہے۔ تمام تیاریاں مکمل کر لی گئی ہیں اور ہندوستان کا یہ خواب جلد ہی حقیقت بن جائے گا۔
قابل ذکر بات یہ ہے کہ 8 اور 9 جنوری کو کمشنر آف ریلوے سیفٹی کے معائنہ کے دوران اودھم پور،سرینگربارہمولہ ریل لنک کے کٹرا بانہال ریلوے سیکشن پر ایک تسلی بخش رفتار کی آزمائش کی گئی۔کٹرا۔بانہال سیکشن یو ایس بی آر ایل پروجیکٹ میں ایک اہم کڑی ہے، جو جموں کے علاقے اور وادی کشمیر کے درمیان فرق کو ختم کرتا ہے۔