الیکٹرانک گیجٹ آپ سے زیادہ ہوشیار ، انہیں سمجھداری سے استعمال کریں/ وزیر اعظم مودی کا ز طلباءکو مشورہ

نئی دہلی /27 جنوری

وزیر اعظم نریندر مودی نے جمعہ کے روز طلباءکو حوصلہ افزائی کی کہ وہ اپنی طاقتوں پر یقین رکھیں اور الیکٹرانک گیجٹ کو سمجھداری اور ہوشیاری سے استعمال کریں۔
پریکشا پہ چرچا پروگرام کے تحت طلبا سے خطاب کرتے ہوئے وزیر اعظم مودی نے کہا کہ ”ہندوستان میں لوگ اسکرین پر اوسطاً چھ گھنٹے گزارتے ہیں۔ یہ تشویشناک بات ہے۔ جب خدا نے ہمیں بے پناہ صلاحیتوں کے ساتھ ایک آزاد وجود اور انفرادیت دی ہے تو گیجٹ کے غلام کیوں رہیں؟۔
انہوں نے مزید کہا کہ ہمارے ملک میں گیجٹ استعمال کرنے والوں کے لیے اوسطاً چھ گھنٹے کا اسکرین ٹائم "بے معنی” ہے جس کا فائدہ صرف بنانے والوں کو ہوتا ہے
۔ انہوں نے کہاہمارے ملک میں اس وقت گیجٹ استعمال کرنے والے کے لیے اوسطاً چھ گھنٹے کا اسکرین ٹائم ہے۔ یہ یقینی طور پر اس وقت اور توانائی کی مقدار کو ظاہر کرتا ہے جو کوئی بھی شخص بے معنی اور پیداواری صلاحیت کے بغیر ضائع کرتا ہے۔ یہ گہری تشویش اور تخلیقی صلاحیتوں کے لیے خطرہ ہے۔