بانڈی پورہ گریز شاہراہ پر پانچ روز بعد آمد رفت شروع ،سرینگر لہہ شاہراہ بند
سرینگر/07نومبر/سی این آئی/ موسمی صورتحال میں بہتری آنے کے باوجود بھی تاریخی مغل روڑ پربدھ کو مسلسل ٹریفک کی آمد رفت بند رہی تاہم سرینگر جموں شاہراہ پر یک طرفہ ٹریفک جاری ہے ۔ ادھر بانڈی پورہ گریز شاہراہ کو پانچ روز بعد آمد رفت کے قابل بنا کر ٹریفک کیلئے بحال کیا گیا ۔ سی این آئی کے مطابق گزشتہ دنوں ہوئی بھاری برفباری کے نتیجے میں وادی کو خطہ پیر پنچال کے ساتھ جوڑنے والی تاریخی مغل شاہراہ پر بدھ کو مسلسل ساتویں روز بھی ٹریفک کی آمد رفت بند رہی ۔ٹریفک کے ایک سنیئر افسر نے بتایا کہ شاہراہ پر برف کی موجودگی سے پھسلن پیدا ہوئی جس کے نتیجے میں شاہراہ کو آمد رفت کیلئے بند ہی رکھا گیا ۔انہوں نے بتایا کہ شاہراہ کو قابل آمد رفت بنانے کا کام ہنگامی بنیادوں پر جاری ہے اور جلد ہی شاہراہ کو قابل آمد رفت بنا کر ٹریفک کیلئے بحال کیا جائے گا ۔ اسی دوران معلوم ہوا ہے کہ شاہراہ بند رہنے کے نتیجے میں درجنوں مقامات پر سینکڑوں مسافرو مال بردار گاڑیاں درماندہ ہوکر رہ گئی ہے ۔اسی دوران معلوم ہوا ہے کہ سرینگر جموں شاہراہ پر یک طرفہ ٹریفک کی نقل و حمل جاری ہے ۔ ٹریفک حکام نے بتایا کہ گزشتہ دنوں بھاری برفباری کے نتیجے میں شاہراہ کی حالات انتہائی خستہ ہو گی ہے جس کے نتیجے میں شاہراہ پر صرف ایک طرفہ ٹریفک کو چلنے کی اجازت دی گئی ۔ انہوں نے بتایا کہ شاہراہ پر بدھ کو بھی ایک طرفہ ٹریفک کی نقل وحمل جاری رہی جس دوران گاڑیوں کو جموں سے سرینگر کی طرف آنے کی اجازت دی گئی ۔ اسی دوران معلوم ہوا ہے کہ بانڈی پورہ گریز شاہراہ کو بھی پانچ روز بعد ٹریفک کیلئے بحال کیا گیا ہے ۔ٹریفک حکام کے مطابق گزشتہ دنوں ہوئی بھاری برفباری کے نتیجے میں شاہراہ کو ٹریفک کی آمد رفت کیلئے بند کیا گیا تھا جس کے بعد موسم میں بہتر ی آنے کے ساتھ ہی بدھ کو شاہراہ قابل آمد رفت ہوئی اور گاڑیوں کو چلنے کی اجازت دی گئی
Comments are closed.