شمالی کشمیر کے بیشتر قصبوں میں مسلسل ہڑتال  حاجن، سوپور میں تعلیمی ادارے بھی مسلسل بند 

وپور+حاجن-کے پی-ایس// شمالی کشمیر میں حالیہ دنوں جھڑپ کے دوران جاں بحق تین مقامی عسکریت پسندوں کی یاد میں، سوپور  اورحاجن قصبوں میں مسلسل ہڑتال جاری ہے- خبروں کے مطابق آج سوپور اور حاجن تیسرے روز بھی بند رہا-  شمالی کشمیر کے ان دوقصبوں میں ہڑتال کے باعث معمولات زندگی ٹھپ ہو کر رہ گئیں۔ علاقوں میں دکانیں ، کاروباری مراکز اور تعلیمی ادارے آج مسلسل تیسرے روز بھی بند رہے-  واضح رہے سوپور میں سنیچر کے دن سیکیورٹی فورسز کے ہاتھوں تین عسکریت پسند جانبحق ہوئے تھے جس کے پیش نظر وہاں کے بیشتر علاقوں میں ہڑتال مسلسل جارہ ہے-