مولانا ابوکلام آزاد کے یوم پیدائش کو یوم تعلیم کے طور منایا جارہا ہے

ماہر تعلیم کے حوالے سے وادی کشمیر میں کوئی بھی سرکاری یا غیر سرکاری تقریب منعقد نہیں ہوئی
سرینگر/11نومبر/سی این آئی/ مولانا ابو الکلام آزاد کا یوم پیدائش بھارت بھر میں قومی یوم تعلیم کے طور پر منایا جاتا ہے۔ مولانا آزاد ملک کے پہلے وزیر تعلیم تھے۔اس حوالے سے اگرچہ مختلف ریاستوں میں تقاریب کا اہتمام کیا گیا تاہم وادی کشمیر میں ماہر تعلیم کی یوم پیدائش میں کسی بھی سرکاری یا غیر سرکاری تقریب کا اہتمام نہیں کیا گیا ۔ کرنٹ نیوز آف انڈیا کے مطابق مولانا ابو الکلام آزاد کا یوم پیدائش ملک بھر میں قومی یوم تعلیم کے طور پر منایا جاتا ہے۔ مولانا آزاد بھارت کے پہلے وزیر تعلیم تھے۔ مولانا آزاد کا یوم پیدائش 2008 سے قومی یوم تعلیم کے طور پر منایا جاتا ہے۔ مولانا آزاد کی پیدائش 11 نومبر 1888 میں ہوئی تھی۔ وہ 15 اگست 1947 کے بعد سے یکم فروری 1958 تک پہلے وزیر تعلیم رہے تھے۔ماہر تعلیم اور مجاہد آزادی مولانا آزاد نے تعلیم یافتہ ہندوستان کی بنیاد رکھی تھی۔ انہیں مرنے کے بعد بھارت کے سب سے بڑے اعزاز بھارت رتن سے بھی نوازا جاچکا ہے۔ مسلم سماج میں بھی تعلیم کے تئیں بیداری پیدا کرنے میں ان کا اہم رول رہا ہے۔ مولانا آزاد کا جنگ آزادی میں بھی اہم رول تھا۔بھارت کی آزادی کے ساتھ تقسیم ہند کے دوران فرقہ وارانہ کشیدگی کو کم کرنے میں بھی انہوں نے نمایاں رول ادا کیا۔ وہ اقلیتوں کو یہ یقین دلانے میں کامیاب رہے کہ "یہ تمہارا ملک ہے اور اسی ملک میں تم رہو "۔انگریزوں کے حکومت کے دوران مولانا ابو الکلام آزاد رانچی میں نظر بند رہے۔ اس دوران انہوں نے انجم اسلامیہ سمیت کئی مدرسوں کی بنیاد بھی رکھی تھی۔سی این آئی کے مطابق اگرچہ مولانا ابو کلام آزاد کی یوم پیدائش پر مختلف ریاستوں خاص کر مسلم اکثریتی والے شہروں میں تقاریب کا اہتما م کیاگیا اور مرحوم کوشاندارالفاظ میں خراج عقیدت پیش کیاگیا تاہم اس حوالے سے ریاست جموں و کشمیر باالخصوص وادی کشمیر میں کسی بھی تقریب کا اہتمام نہیں کیا گیا ۔ اس ضمن میں نہ ہی سرکاری طور پر اور نا ہی غیر سرکاری طور پر کوئی تقریب منعقد کی گئی ۔