لانس نائک نذیر احمد وانی جنگجوؤں کے ساتھ ایک جھڑپ میں ہلاک ہوگیا تھا
سرینگر:۲۴،جنوری:فوجی بنے سرکار نواز بندوق بردارسابق لانس نائیک نذیر احمد وانی، جو جنوبی کشمیر کے شوپیان میں عسکریت پسندوں کے ساتھ ایک معرکہ آرائی کے دوران گذشتہ برس ہلاک ہو اتھا، کو بھارت کے اعلیٰ ترین بہادری کے ایوارڈ، اشوک چکرا سے نوازا گیا ہے۔کے این این کے مطابق حکام نے جمعرات کو کہا کہ سابق لانس نائیک نذیر احمد وانی، جو جنوبی کشمیر کے شوپیان میں عسکریت پسندوں کے ساتھ ایک معرکہ آرائی کے دوران گذشتہ برس جاں بحق ہو اتھا، کو بھارت کے اعلیٰ ترین بہادری کے ایوارڈ، اشوک چکرا سے نوازا گیا ہے۔ نذیر احمد وانی، گذشتہ برس ماہ نومبر میں عسکریت پسندوں کے ساتھ معرکہ آرائی میں ہلاک ہوا تھا۔ نذیر احمد وانی ایک جنگجو تھا جو بعد میں سرکارنواز بندوق بردار بنا جس کے بعد 2004میں وہ فوج میں بھرتی ہوگیا۔حکام کے مطابق وانی جنوبی کشمیر میں متعدد عسکریت مخالف آپریشنوں میں شامل تھا۔اشوک چکرا، بھارت کا اعلیٰ ترین بہادری کا ایوارڈ ہے جواْن فورسز اہلکاروں کو دیا جاتا ہے جو ڈیوٹی کے دوران جان سے ہاتھ دھوبیٹھیں۔ نذیر احمد وانی کو اس سے قبل، عسکریت پسندوں کے ساتھ لڑنے کے اعتراف میں سینا میڈل سے بھی نوازا گیا تھا۔
Comments are closed.