ریاستی اِنتظامی کونسل کی غیر معمولی میٹنگ ،گور نر نے کی صدارت

دلباغ سنگھ مستقل پولیس کے سربراہ مقرر
سرپنچوں اور پنچوں کے مشاہرے ، میونسپل قوانین( ترمیمی) بِل 2018 کو منظوری
(نیوز ڈیسک ،ایجنسیز)
سرینگر: ریاستی حکومت نے سےنئر آئی پی اےس افسر دلباغ سنگھ کو با ضا بطہ طور پر ڈی جی پی کے عہدے پر تعےنات کر نے کے احکامات صادر کرتے ہو ئے تقرےباً اےک ماہ سے اس اہم اور حساس عہدے پر تعےناتی کو لے اضطرابی صورتحال کا خاتمہ کر دےا ۔ےاد رہے کہ سپرےم کورٹ نے گزشتہ ماہ ےو نےن پبلک سروس کمےشن کو ہداےت دی تھی کہ وہ رےاست جموں کشمےر مےں ڈی جی پی کی تعےناتی کو لے کر 3نام فائنل کرےں تاکہ ان مےں سے کسی اےک کو رےاست جموںکشمےر کا پو لےس سر براہ مقرر کےا جائے ۔اس سے پہلے رےاستی سر کار نے عارضی طور پر دلباغ سنگھ کو رےاستی پولےس کا سر براہ تعےنات کےا تھا ۔کشمےر نےوز سروس(کے اےن اےس)کے مطابق ریاستی حکومت نے بدھوار کو جموں میں منعقدہ ایک اہم میٹنگ میں موجودہ پولیس سربراہ دلباغ سنگھ کو باضابطہ طور پر محکمہ کے سربراہ کے عہدے پر تعینات کرنے کے احکاما ت صادر کئے۔ تفصیلات کے مطابق ریاستی انتظامی کونسل (سیک) کی ایک اہم میٹنگ گورنر ستیہ پال ملک کی سربراہی میں جموں میں منعقد ہوئی جس میں ریاست کے جملہ مسائل کے ساتھ ساتھ موجودہ پولیس سربراہ دلباغ سنگھ کی باضابطہ تعیناتی پر بھی غور و خوض کیا گیا۔ ذرائع نے بتایا جموں میں دربارمو دفاترکھلنے سے قبل گورنر کی صدارت میں ریاستی انتظامی کونسل کی میٹنگ منعقد ہوئی جس میں مختلف فیصلے لیے گئے جن میں محکمہ پولیس کے موجودہ سربراہ دلباغ سنگھ کی محکمہ میںباضابطہ تعیناتی کے احکامات صادر کئے گئے۔ یاد رہے ریاستی انتظامیہ نے 6ستمبر کو سابق ڈائریکٹر جنرل آف پولیس ڈاکٹر ایس پی وید کو اپنی ذمہ داریوں سے فارغ کرتے ہوئے ٹرانسپورٹ کمشنر کے عہدے پر تعینات کردیا جس کے بعدریاستی انتظامیہ نے دلباغ سنگھ کو عارضی مدت کے لیے پولیس محکمے کا چارج دیا۔واضح رہے کشمیرنیوز سروس نے منگلوار رات دیر گئے ہی اپنے نیوز بلیٹن میںخصوصی ذرائع کا حوالہ دیتے ہوئے کہا تھا کہ بدھوار کو ہونے والی میٹنگ میں دلباغ سنگھ کو باضابطہ طور پر پولیس کا سربراہ مقرر کیا جائے گا۔ادھرسرکاری ترجمان کے مطابق ریاستی اِنتظامی کونسل کی ایک میٹنگ آج یہاں گورنر ستیہ پال ملک کی صدارت میں منعقد ہوئی جس میں پنچایتی انتخابات کے دوران منتخب ہونے والے سرپنچوں اور پنچوں کے مشاہرے کو منظوری دی گئی۔میٹنگ میں گورنر کے مشیر بی بی وِیاس ، کے وِجے کمار ، خورشید احمد گنائی کے علاوہ چیف سیکرٹری بی وی آر سبھرامنیم بھی موجود تھے۔ریاستی اِنتظامی کونسل نے فیصلہ لیا کہ سرپنچوں کو ماہانہ 2500روپے جبکہ پنچوں کو ایک ہزار کا مشاہرہ دیا جائے گا۔ریاستی اِنتظامی کونسل نے اُمید ظاہر کی کہ 17 نومبر 2018ءسے شروع ہونے والے نویں مرحلے کے تحت اِنتخابات میں حصہ لینے والے پنچایتی ممبران کا حوصلہ بڑھانے کے لئے اِن مشاہروں کی منظوری دی گئی۔ادھرریاستی اِنتظامی کونسل کی ایک میٹنگ آج یہاں گورنر ستیہ پال ملک کی صدارت میں منعقد ہوئی جس میں جموں اینڈ کشمیر میونسپل قوانین ( ترمیمی ) بِل 2018ءکو منظوری دی گئی ۔اِن قوانین کی منظوری کی بدولت میونسپل کارپوریشنوں کے میئر اور ڈپٹی میئر ، میونسپل کونسلوں / میونسپل کمیٹیوں کے صدور و نائب صدورکے اِنتخابات خفیہ بیلٹ کے ذریعے منعقد کرنے کے لئے راہ ہموار ہوگی۔میٹنگ میں گورنر کے مشیر بی بی وِیاس ، کے وِجے کمار ، خورشید احمد گنائی کے علاوہ چیف سیکرٹری بی وی آر سبھرامنیم بھی موجود تھے۔