بھوپال میں بارش کے سبب دیوار گرنے سے تین لوگوں کی موت

بھوپال، مدھیہ پردیش کے دارالحکومت بھوپال میں گزشتہ 18 گھنٹے سے مسلسل بارش کے سبب ایک مکان کی دیوار گرنے سے دو معصوم بچیوں اور ان کی ماں کی موت ہو گئی۔

جبکہ ٹيلہ جمالپورہ علاقے میں ایک نوجوان کے نالے میں بہنے کے بعد امدادی عملہ اس کی تلاش میں مصروف ہے۔

سانولی ہلز تھانہ کے ذرائع نے بتایا کہ دھوبی گھاٹ علاقے میں دیر رات کو تیز بارش کے دوران ایک مکان کی دیوار گر گئی، جس سے اس کے نیچے دب کر ایک عورت اور اس کی دو معصوم بچیوں کی موت ہو گئی۔ خاتون کا شوہر شدید زخمی ہے جسے اسپتال لے جایا گیا ہے۔

دوسری طرف میونسپل ذرائع کے مطابق ٹيلہ جمالپورہ علاقے کے نالے میں بہہ جانے والے نوجوان کا کئی گھنٹے بعد بھی اب تک کوئی سراغ نہیں لگا ہے۔

بھوپال میں کل دوپہر بعد سے ہی تیز بارش کا دور جاری ہے۔ بہت سی نشیبی بستیوں میں پانی بھر گیا ہے۔ آج صبح سے نگرنگم کا عملہ مقامی انتظامیہ کے ساتھ جگہ جگہ نالوں کی صفائی کر رہا ہے۔(یو این آئی)