ہمیں مسئلہ کے حل کے لئے مذاکرات کا راستہ اختیار کرنا چاہیے/ برطانیوی وزیر خارجہ
سرینگر/07نومبر/سی این آئی/ کشمیر کے مسلے کو حل کرنے کیلئے ایک بار پھر بھارت اور پاکستان کی حوصلہ افزائی کرتے ہوئے برطانیہ نے دونوں ممالک پر زور دیا ہے کہ ان کوکشمیر کے معاملے پر حل تلاش کرناچاہیے۔سی این آئی مانیٹرنگ کے مطابق برطانوی وزارت خارجہ کے ترجمان کی طرف سے جاری کئے گئے ایک بیان کے مطابق برطانوی وزیر خارجہ بورس جانسن کا کہنا تھا کہ بھارت اور پاکستان کو کشمیر کے معاملے پر حل تلاش کرناچاہیے جب کہ ہم بھارت اور پاکستان کی حوصلہ افزائی کرتے ہیں تاکہ کشمیر کے مسلے کو حل کیا جا سکے، ہمیں مسئلہ کے حل کے لئے مذاکرات کا راستہ اختیار کرنا چاہیے، خطے میں سیکورٹی کے معاملے پر پاکستان کے ساتھ ہیں کیونکہ یہ انتہائی اہم مسئلہ ہے جب کہ دہشت گردی کے خلاف جنگ میں پاکستان کی قربانیوں کے معترف ہیں۔بیان کے مطابق برطانوی وزیر وزیر خارجہ نے لائن آف کنٹرول پر کشیدہ صورتحال پر بھی تشویش کا اظہار کیا ہے ۔ انہوں نے کہا کہ برطانوی وزیر خارجہ نے دونوں ممالک کی مذاکرات کی بحالی کی خواہش کی ہے اور اس امید کا اظہار کیا کہ دونوں ملک تناؤ کو کم کرنے کی کوشش کریں جب کہ وزیراعظم پاکستان نے برطانوی وزیراعظم کو پاکستان کو آنے کی دعوت دی ہے۔
Comments are closed.